Nyabusulu ya Yowane 1:7 - Musamu Wamubwete 2013

⁷ Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!

Nyabusulu ya Yowane 1:7 Referans Kwoze

Musamu wamubwete watina Matayi 24:30

Haho, kidiimbu kya Mwaana muutu kimonoko mu mayulu, na baatu ba bitsuumbu byobinso biri ha butoto sa bateeteke myooko mu yulu mitu, na sa bamono Mwaana muutu wunangukina ku yulu, na kwiisa mu matuti, mu mpinu na mu nkeembu yayinene.

Musamu wamubwete watina Yowane 19:37

Matinu makaka maleele ti: «Bo sa batala kuri wunde wu baba tobolo mu dyoongi.»

Musamu wamubwete watina Malako 14:62

Yesu wabvutula ti: «Me nyiri; na sa lwamono Mwaana muutu wadzakala ha Lubakala lwa Mpinu na wuri mu kwiisa mu matuti ma yulu.»

Musamu wamubwete watina Luka 21:27

Haho, bo sa bamono Mwaana muutu wukwisikila mu matuti, kunsa mpinu na nkeembu yayinene.

1 Tes 4:17

tumi beetuneenu tuba twakiri mwooyo, batunaanguna ha kimosi na bo mu matuti, mu kubwaana Mfumu mu kingye-kingye, na kuba kintwaari na Mfumu mantaangu momanso.

1 Tes 1:10

na mu kwekiingila Mwaana waandi wufumuna ku mayulu, wu kafulukisi mu bafwa, Yesu, nde wutukuula mu nkesi dzikwiisa.

Musamu wamubwete watina Malako 13:26

Haho, baatu sa bamono Mwaana muutu wukwiisa mu matuti, mu mpinu dzadzinene na nkeembu.

Mukaanda Yuda 1:14

Mu bo, Enoki, wansaamu kubandikila mu Adami, kaba leele ti: «Mono, Mfumu wayisiri na fundu-fundu dya bangisi baandi,

Musamu wamubwete watina Matayi 26:64

Yesu waleele kuri nde ti: «Ye leeriri. Ngo me nyileele kuri beenu ti: Kuholosono lumalu, beenu sa lumono Mwaana muutu wadzakala ha lubakala lwa mpinu, na wuri mu kwiisa mu matuti ma yulu.»

Nyabusulu ya Yowane 22:20

Wunde wuri mu kuta kimbaangi mu mimyo, wuleele ti: «Heehe, mwaa-ntaangu yantele yisiiri, me nyiisiri!» Amene! Mfumu Yesu, wasa!

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.

Mukaanda kuri Bahebeleho 10:29

Heki lo buri beenu lutsima bubeele bunene bwa maseembu, ma baha kuri wunde wusaana Mwaana Nzaambi, wunyaafuna makila ma lulelusunu ma kari kabakala bungisi, na kutuka Mpeeve ya bweese?

Musamu wamubwete watina Yowane 19:34

Ngo kasi, mosi mu bayongolo, mu dyoongi dyaandi, wamutobolo lubaansi, na ha nsi na nsi, makila na maampa byapala.

Nyabusulu ya Yowane 22:4

Sa bamono busu bwaandi, na nkuumbu yaandi sa yiba mu mambuunsu ma bo.

Mukaanda kuri Bahebeleho 6:6

ngo babwiiri, lo diri dya mpasi kuri bo mu kubweese kuyiinga madyeele. Mu didyo, mu bo-meene lo babweese kukomono Mwaana Nzaambi, na kuha nzila mu kumutuka.

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 16:28

Mu ngwanwa me nyiluleeriri ti: Babamosi mu bateleme hamaha, bafwa ko, natee bakiri mono Mwaana muutu wiisiri mu Kimfumu kyaandi.»

Musamu wamubwete watina Matayi 25:31

«Mbasi-tsuku ha kwiisa Mwaana muutu kunsa nkeembu yaandi, na bambasi bobanso kintwaari na nde, haho nde kadzakala ha yulu mboloko ya nkeembu yaandi.