Mukaanda Yuda 1:6 - Musamu Wamubwete 2013

⁶ Bambasi bari basii kebe kibeendu kya bo-meene ko, ngo basisiri kikuundi kya bo-meene, nde wabawuunguka mu bikonyi bya bibvu ngo bibvu, kunsa mampimbisi, mu kiluumbu kyakinene kya mutsuundu.

Mukaanda Yuda 1:6 Referans Kwoze

2 Pet 2:4

Mukwongo, Nzaambi kasii wuungula bambasi basumukini ko, ngo wabakaangiri mu bikonyi, na wabatubiri ku lubila lwa mampimbisi, ku kari kabawuunguka mu ntoono mutsuundu.

Mukaanda kuri bari Efeso 6:12

Bukuri kikiindu ki turi na kyo, kari kya kunwaanisa muswinyi na makila ko, ngo kasi kya kunwaanisa bakuutu, batumi, na bamfumu ba nsi ya mampimbisi yimayi, kya kunwaanisa mampeeve mamabi mari ku kinsongi-yulu.

Musamu wamubwete watina Matayi 25:41

«Haho mbyaasi sa kaleele kuri bari ku lumoso ti: "Tatukeenu la na me, beenu ba bari babulila mpopi, yendeenu ku mbaawu yahele manunu, yibari bayirikila mu ntoono dyabulu na bambasi baandi.

Musamu wamubwete watina Matayi 8:29

Mono, bo babeke mu kufula misaakulu, baleele ti: «Nki ha kakati dya ye, Mwaana Nzaambi, na beetu? Buri ye wiisiri mu kukwaamisa beetu tekekesele ntaangu yitubuka?»

2 Pet 2:9

Mamo masoongo ti, Mfumu yaari kukuula bangaa-kinzaambi mu mpasi, na kukebe bahele kusuunguma mpisi baba baseembu mu kiluumbu kya mutsuundu,

Mukaanda kuri Bahebeleho 10:27

ngo bisiiri lo kunu kukiinga mutsuundu wansisi na mbaawu ya makwa, mbasi-tsuku yiyoko bangaa-tungu.

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Nyabusulu ya Yowane 20:10

Dyabulu mudziimbisi bo, bamutuba ku dyaanga dya mbaawu ya mile, kukwo kuri kibulu na mubikiri wampya, sa baba bakwaamusu butsuku na mwiini mu bibvu ngo bibvu.

Musamu wamubwete watina Matayi 10:15

Ngwanwa me nyiluleele ti: Mu kiluumbu kya mutsuundu, sa babvula kuseembe bvula didyo ti na Sodoma na Ngomora.»

Mukaanda kuri bari Loma 2:5

Ngo mu bunkuri bwaaku na nkubusulu mutima waaku, ye wukwekutukisa nkesi dzibwa mu ye, mu kiluumbu kya nkesi, na kya nyabusulu nsundusulu yasuunguma ya Nzaambi,

Mukaanda Yuda 1:13

Bo ngo mipaku mya mubu mya kibakala, mitoombolaa fula dya nsoni dzaaku, bambwetete bakweyiima, ba bari bawungukila, mampimbisi ma bubokoro mu mantaangu momanso.

Nyabusulu ya Yowane 20:2

Yo yakwaata maŋataŋo, nyoko yayikulu, yiri dyabulu na Satana, na yamukaanga mu syeene mu fuunda dya mibvu.