Mukaanda Yuda 1:13 - Musamu Wamubwete 2013

¹³ Bo ngo mipaku mya mubu mya kibakala, mitoombolaa fula dya nsoni dzaaku, bambwetete bakweyiima, ba bari bawungukila, mampimbisi ma bubokoro mu mantaangu momanso.

Mukaanda Yuda 1:13 Referans Kwoze

2 Pet 2:17

Baatu babo ngo manto mahele maampa, mibuungi mikweyende mu kiteembu, bari babawungukila mampimbisi ma bu bokoro.

Mukaanda kuri bari Filipo 3:19

Nsukulu bo ngo mfuukulu, Nzaambi bo ngo mwooyo waaku, na nkeembu bo kumwiina kunsa mya nsoni myaaku, bo bakwenama mya nsi.

Nyabusulu ya Yowane 20:10

Dyabulu mudziimbisi bo, bamutuba ku dyaanga dya mbaawu ya mile, kukwo kuri kibulu na mubikiri wampya, sa baba bakwaamusu butsuku na mwiini mu bibvu ngo bibvu.

2 Tim 3:13

Ngo baatu bababi na bangaa-bumpitu-bumpyoongo, sa bahamisa kudyaatila kunsa mabvuriri bubi, mu kwewumuna baatu, bu bari bawumuka bo-meene.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Mukaanda Yuda 1:6

Bambasi bari basii kebe kibeendu kya bo-meene ko, ngo basisiri kikuundi kya bo-meene, nde wabawuunguka mu bikonyi bya bibvu ngo bibvu, kunsa mampimbisi, mu kiluumbu kyakinene kya mutsuundu.