Mukaanda Yuda 1:1 - Musamu Wamubwete 2013

¹ Yuda, nkutu Yesu Kiristo, mpaangi Yakobo, kuri babo ba bari bateele mbila, batya mu Taayi Nzaambi, na ba bari bakebe mu Yesu Kiristo.

Mukaanda Yuda 1:1 Referans Kwoze

1 Pet 1:5

beenu luri lwakebu mu mpinu dza Nzaambi, mu kanyi, mu ntoono mvuukulu yayirima mu kuba yayabukusu mu ntaangu ya manunu.

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

2 Tim 1:9

Nde watubvuukisa, na watuteele mbila yangisi, kari mu ntoono biyiriki byeetu ko, ngo kasi bunu buri bitaasi bya nde-meene na bweese bu kari katuha mu Kiristo Yesu, tekesele mantaangu mahela kuwa.

Musamu wamubwete watina Yowane 14:22

Yuda, kari Iskaryote ko, waleele kuri Yesu ti: «Mfumu, dyaburi ye wumonokono kuri beetu, ngo kasi, kari kuri nsi ko?»

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.

Mukaanda kuri bari Loma 1:1

Pawulo, nkutu Yesu Kiristo, wataambula mbila mu kuba ntumu na wu bari basoolo mu ntoono Musamu Wamubwete wa Nzaambi.

Musamu wamubwete watina Yowane 17:15

Me nyahele kuloombo kuri ti, ye wubayisila mu nsi, ngo kuri ti ye wubakebe mu Ngaa-bubi.

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

Mukaanda kuri Bahebeleho 3:1

Hango, bampaangi bangisi, beenu luri kintwaari mu mbila ya ku yulu, siilee mutima mu wunde wuri ntumu, na mukuutu bangaanga-nzaambi, wu turi twasiila kanyi, ngo Yesu.

Mukaanda kuri bari Loma 8:30

Babo ba kataasiri, babo se kari kateele mbila; babo ba kari kateele mbila, babo se kari kalulukisa; babo ba kari kalulukisa, babo se kari kakeembese.

Mukaanda kuri bari Loma 6:22

Ngo kasi mu lumalu, bu bamwaalukuula mu masumu, lweki bankutu ba Nzaambi, na luri na bimbutu mu mbakulu bungisi. Manunu ya byo, ngo kidziingu kyahele manunu.

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!

Mukaanda wa Yakobo 1:1

Me Yakobo, nkutu Nzaambi na ya Mfumu Yesu Kiristo, kuri makaanda kuumi na moolo matsamukina mu mansi, mboto yeenu!

2 Tim 4:18

Mfumu sa kankuula mu momanso mamabi ma banyirikila, na sa kamvuukisa mu kunkotoso mu kimfumu kyaandi kya mayulu. Nkeembu yiba kuri nde mu bibvu ngo bibvu! Amene.

1 Tes 2:12

Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

Mukaanda kuri bari Efeso 5:26

Nde wadisa dyangisi mu kuditsyeemese mu nswaakulu ya maampa, kunsa Maampu;

1 Kol 6:11

Babamosi mu beenu bubwo baba, kasi lwayeki lwaswaaku, lwayeki lwataambula bungisi, lwayeki lwalulukusu mu nkuumbu ya Mfumu Yesu Kiristo, na mu Mpeeve ya Nzaambi yeetu.

1 Kol 1:2

tutina kuri dibuundu dya Nzaambi diri ku Korinto, kuri ba bari basakumuna mu Yesu Kiristo, bataambula mbila mu kuba bangisi, kintwaari na bobanso bateelaa nkuumbu ya Mfumu yeetu Yesu Kiristo, mu mpisi kibeendu, Mfumu bo, yiri ya beetu se.

Mukaanda kuri bari Loma 16:18

bukuri baatu ba bubwo bahele kusalila Mfumu yeetu Kiristo, ngo kasi myooyo mya bo-meene, na mu maampu mamabwe na mu nzoonsulu dzalupyelu, bo bakwewuna baatu bahele kulubuka.

Mukaanda kuri bari Loma 9:24

Beetuneenu turi, babo ba kari kateele mbila, kari hani ha kakati dya Bayudayo kitsu ko, ngo se na ha kakati dya makaanda.

Biyiriki bya Bantumu 27:23

Mukwongo, Nzaambi yi bakiri me, na yi nkoosalila me, mbasi yaandi yiisiryee kumonokono me, mu butsuku

Musamu wamubwete watina Luka 6:16

Yuda mwaana Yakobo tumi Yuda Iskaryote, wunde waba muyarika.

Biyiriki bya Bantumu 20:32

Mu lumalu, me nyiluyekele beenu-banso kuri Nzaambi na kuri maampu ma bweese bwaandi, nde wuri na mpinu dza kutuunga nzo na dza kuha saala kuri bobanso basakumunu.

Biyiriki bya Bantumu 1:13

Bu bakoto mu bvula, bo batoomboko ku kihekiri kya ku yulu, ku baba na kifu kya kukutukunaa; kwaba Petelo, Yowane, Yakobo, Andere, Filipo, Toma, Bartelemi, Matayi, Yakobo mwaana Alafayi, Simoni mudzeloti na Yuda mwaana Yakobo.

Musamu wamubwete watina Yowane 17:19

[Me] nyisa bungisi mu me-meene mu ntoono bo, mpisi heki bo se baba bangisi mu ngwanwa.»

Musamu wamubwete watina Yowane 17:17

Wubasa bangisi mu ngwanwa, maampu maaku ngo ngwanwa.

Musamu wamubwete watina Yowane 15:16

Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Musamu wamubwete watina Yowane 12:26

Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»

Musamu wamubwete watina Yowane 6:39

Kutya kwa wunde wampeeke kuri ti, me mpele kudziimbisa ti mosi mu ba kari kampa, ngo me sa nyamufulukisa [mu] kiluumbu kya manunu.

Musamu wamubwete watina Malako 3:18

Andere, Filipo, Bartelemi, Matayi, Toma, Yakobo, mwaana Alafayi, Tade na Simoni, wa ku Kana,

Musamu wamubwete watina Matayi 10:3

Filipo, Bartelemi, Toma na Matayi, mutori-mpaku; Yakobo dya Alafayi na Tade;

Musamu wamubwete watina Matayi 13:55

Buri wu kari mwaana mutuungi manzo ko? Buri nguri yaandi kari Mariya ko, na bampaangi baandi, kari Yakobo, Yosefi, Simoni na Yuda ko?

Musamu wamubwete watina Malako 6:3

Buri wu kari mukomono-manzo, mwaana Mariya, mpaangi Yakobo, Yose, Yuda na Simoni ko? Buri bibusi bwaandi byahele nkati-nsi na beetu hamaha?» Baatu nkati babumina makya mu ntoono nde.

Mukaanda kuri bari Loma 1:6

munsa mo beenu se luri baatu, bataambula mbila Yesu Kiristo.

Mukaanda Yuda 1:3

Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.

Mukaanda Yuda 1:21

Beenu-meene kebee manyutu kunsa ntiilu ya Nzaambi, bu luri mu kwekiingila ngebe dza Mfumu yeetu Yesu Kiristo, mu kubaka kidziingu kyahele manunu.