Musamu wamubwete watina Malako 9:2 - Musamu Wamubwete 2013

² Biluumbu bisaamunu bu byaluta, Yesu waholo Petelo, Yakobo na Yowane, na wabatoombolo ku yulu mulaandu wadzaangama, kwa bo bakaka. Nde wakituka ha busu bwa bo;

Musamu wamubwete watina Malako 9:2 Referans Kwoze

Musamu wamubwete watina Malako 5:37

Yesu kasii bweese kutala ko ti baatu beende kintwaari na nde, ha yulu wuni Petelo, Yakobo, na Yowane mpaangi Yakobo.

Musamu wamubwete watina Malako 14:33

Nde waholo kintwaari na nde Petelo, Yakobo na Yowane, na wabaandika kubwilikila kinkuuka na kingoongo mu mutima.

2 Kol 13:1

Yimayi ngo mbala yatatu me nyeki kwiisa kuri beenu; «Mu munwa wa bambaangi boolo bunu pe batatu musamu ndemunso sa kawa.»

Nyabusulu ya Yowane 20:11

Me nyamono mboloko yadzaangama yahembeke, na wunde waba wadzakala ha yulu yo. Yulu na butoto byayitika ha busu bwaandi, na ka kwasii bweese kuba kibeendu kuri byo ko.

Musamu wamubwete watina Malako 16:12

Ha mambisa haho, Yesu wamonokono mu kifwaani kikimi kuri boolo mu bayiki, baba kweende ku bula.

Mukaanda kuri bari Filipo 3:21

Nde mbasi-tsuku wukitula nyutu yeetu ya manyoongi, kuri yiba bunu buri nyutu ya nde ya nkeembu, bunu buri mpinu dzi kari na dzo, mu kusuusa byobinso kunsa lutumu lwaandi.

Mukaanda kuri bari Loma 12:2

Yaa lunama bifu bya ntaangu yimayi ko, ngo kasi beenee bakituka mu nkitukulu ya kiluunsi, mpisi lufyongokono bunu buri kutya kwa Nzaambi, kwakubwete, kwatya na kuri na nyirimunu yakuka.

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Musamu wamubwete watina Luka 6:12

Mu biluumbu bibyo, Yesu wayende ku yulu milaandu mu kweesaambila, na walutisa butsuku bwa butsiina mu kusaambila Nzaambi.

Musamu wamubwete watina Matayi 14:13

Yesu kayuka bubwo, wayisika haho, na wayende mu bwaatu ku nsi yankatu, ku kibeendu kya nde-kaka. Mampuumbu ma baatu bu mayuka, mayisika mu mabvula na mamunama mu miilu.