Musamu wamubwete watina Malako 8:34 - Musamu Wamubwete 2013

³⁴ Yesu kateelaa mpuumbu baatu ha kimosi na bayiki baandi, wabaleele ti: «Mbuti muutu tiiri kunama me ku mambisa, lo katuna nyutu ya nde-meene, kanaanguna kuruwa dyaandi, na kanama me.

Musamu wamubwete watina Malako 8:34 Referans Kwoze

Musamu wamubwete watina Matayi 10:38

Mpisi wunde wuhele kunaanguna kuruwa dyaandi na kunama me ku mambisa, lo wahele kuyelemene kuba wa me.

Musamu wamubwete watina Yowane 10:27

Bimeeme bya me biyukaa mbeembu yaami, me nyibiyaari, na byo binamaa me.

Mukaanda kuri bari Ngalatya 5:24

Babo bari ba Kiristo [Yesu], bayeki bakomono muswinyi na mantiilu, na nyiimunu dzaandi.

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

1 Yow 3:16

Mu didyo, beetu twayeki twayaaba ntiilu, bukuri Kiristo waheeri kidziingu kyaandi mu ntoono beetu, na beetu se tuyelemini kuha kidziingu kyeetu mu ntoono bampaangi.

Musamu wamubwete watina Matayi 16:24

Hanaho, Yesu waleele kuri bayiki baandi ti: «Mbuti muutu tiiri kunama me ha mambisa, lo hemese katuna nyutu ya nde-meene, kanata kuruwa dyaandi na kanama me.

Mukaanda kuri bari Filipo 3:10

Me ntii kuyaaba nde, na kuyaaba mpinu dza mfulukulu yaandi, na kuba kintwaari mu mpasi dzaandi, mu kunama kifwaani kya nde mu lufwa lwaandi,

Mukaanda kuri bari Loma 8:17

Mbuti turi baala, lo turi se bakondiri ba saala: bakondiri ba saala dya Nzaambi, bakondiri kintwaari na Kiristo, mbuti heki tubamaa na nde, mpisi heki tuba se bakeembese na nde.

Musamu wamubwete watina Luka 9:23

Nde wabweese leele kuri bobanso ti: «Mbuti muutu tiri kunama me ha mambisa, lo katuna nyutu ya nde-meene, kenata kuruwa dyaandi mpisi kiluumbu, na kenama me.

Mukaanda kuri bari Kolosayi 3:5

Ngo hoteenu kusalila bifu bya nsi: buyala, nsumukunu, mantiilu mamabi, nyiimunu dzadzibi, na ntiki-mboongo yiri nsambukulu-biteki.

Mukaanda kuri bari Filipo 3:7

Kasi bibyo byaba ndaandu kuri me, me nyamono kuri ti byafuukila, mu ntoono Kiristo.

1 Pet 4:1

Ngo Kiristo bu kamono mpasi mu muswinyi, beenu se holeenu kitsimi kya bubwo bunu kinwaanunu, ti muutu wu mwaamono mpasi mu muswinyi, mwaahoto kuyirika masumu,

Mukaanda kuri bari Ngalatya 6:14

Me ngo wuri, nyahele kusa nzala-kubila mu kitotolo, mbuti kari mu kuruwa dya Mfumu yeetu Yesu Kiristo ko, mu dyo, nsi yayeki yakomono mu ntoono ya me, na me bankomono mu ntoono ya nsi.

1 Kol 15:31

Mpisi kiluumbu me nyiri muutu wafwa; mu didyo, bampaangi, me nyisiingisa kimweese kyaami mu beenu, kikyo ki nyiri na kyo mu Kiristo Yesu Mfumu Yeetu.

Mukaanda kuri bari Loma 6:6

Bu tuyaari kuri ti, muutu weetu wamukulu bayeki bamukomono kintwaari na nde, mpisi heki nyutu ya masumu yiba yatsyaamunu, na tuhele kubweese kuba bankutu ba masumu.

Musamu wamubwete watina Luka 14:33

Hango nkuumbu, mpisi wunde mu beenu wuhele kubisa byobinso bi kari na byo, lo kari mbeele muyiki me ko.»

2 Pet 1:14

bu nyaari ti ntaangu ya kuyekele musaampu waami yeki bebele, bunu bwa nsoongiri Mfumu yeetu Yesu Kiristo.

1 Pet 4:13

Ngo bukuri beenu luri na kikuuku mu mpasi dza Kiristo, lo monee kiminu, mpisi heki mu ntaangu yiyabakana nkeembu yaandi, beenu lutirimika mu kiminu.

Mukaanda kuri Tito 2:12

Bwo buri mu kwetuyikisa, mpisi heki bu tubisiri bungooyi na nyiimunu dza nsi, twenata kidziingu kya ntaangu ya lumalu, mu kusokomo, mu nsungumunu na mu kinzaambi,

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

Musamu wamubwete watina Luka 18:22

Yesu bu kayuka bubwo, waleele kuri nde ti: «Kwakiri kitotolo kimosi, kiheriri kuri ye: byobinso bi wuri byo, yarika na kabula mboongo kuri bawelu, ye sa baka busina mu mayulu, na wasa nama me.»

Musamu wamubwete watina Luka 13:24

«Nwanikinee mu kukoto mu mweelu wasweeteme, bukuri me nyiluleele ti, balaka sa basaka kukoto, ngo ka babangusina ko.»

Musamu wamubwete watina Matayi 27:32

Bu bapala, bamono muutu mosi, wa ku Kirene nkuumbu yaandi Simoni, bamukwiikisa mpisi kanata kuruwa dya Yesu.

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Mukaanda kuri Bahebeleho 13:13

Hango, tupaleenu ku mbisa bula mu kwemubwaana, na kutaambula kuri ti tuba basaanu bunu nde.

2 Tes 3:11

Ngo beetu turi mu kweyuka ti bakaka mu beenu, bari mu kwedyaatila kunsa kisaangila, bahele kwesala, kasi bakwenama misamu myominso.

1 Kol 9:19

Bukuri me nyiri mu bunsaalisi kuri bobanso, ngo kasi, me-meene nyataambula kuba nkutu ya bobanso, mpisi heki me mbaka baatu balaka.

1 Kol 8:13

Hango-nkuumbu, mbuti kyandya kibumisa mpaangi yaami makya, lo ngwanwa me mbweese kudya toongo mu mantaangu momanso ko, mpisi heki me mpelele kubumisa mpaangi yaami makya.

Musamu wamubwete watina Yowane 19:17

Bu kaba mu kwenata kuruwa nde-meene, nde wapala mu kweende ku kibeendu ki baleela ti «Kibeendu kya kiteengi kya mutu», ki baleelaa mu kihebeleho ti «Ngolongota.»

Musamu wamubwete watina Luka 20:45

Baatu bobanso bu baba muywiilaana, Yesu waleele kuri bayiki [baandi ti:]

Musamu wamubwete watina Malako 10:21

Yesu kamusungumina kisoosi, wamutya na wamuleele ti: «Kitotolo kimosi kiheeri kuri ye: yende, yarika bi wuri na byo, na ha [kuri] bawelu, ye sa baka busina ku yulu, na wasa, nama me.»

Musamu wamubwete watina Malako 7:14

Yesu wabweese kuteele mpuumbu baatu, wabaleele ti: «Ywiilee me beenu-banso na bakuleenu.