Musamu wamubwete watina Malako 7:5 - Musamu Wamubwete 2013

⁵ Bafarisi na batini ba mangisi bafuula Yesu ti: «Bayiki ba ye buri bari kikulu kya bakuutu kubvumina pe, bo kwedya byandya na myooko myamviindu?»

Musamu wamubwete watina Malako 7:5 Referans Kwoze

2 Tes 3:6

Bampaangi, beetu tululoombiri mu nkuumbu ya Mfumu yeetu Yesu Kiristo, mu kutatuku la na mpisi mpaangi yi kwedyaatila kunsa kisaangila, kwahele kuyelemene na kikulu ki lwataambula kuri beetu.

Biyiriki bya Bantumu 21:21

Ngo bo bari mu kweyuka mu ntoono ya ye ti: ye wukweyikisa kuri Bayudayo bari ha kakati dya makaanda ti yaa bateende baala bubakala ko, na yaa benama bifu bya Bayudayo ko.

Mukaanda kuri bari Ngalatya 1:14

Mu kinzaambi kya Bayudayo, me nyaba mvuriri kiteesu na ba turi kiseendu kimosi, ba kitsuumbu kya me. Me nyaba nyakaangama kwalaka mu kikulu kya bakuutu baami.

Biyiriki bya Bantumu 21:24

Baholo na sa nsyemusunu kintwaari na bo, na baha mboongo mpisi batebe makungulu mu mitu, na baatu bobanso sa bayaaba ti myominso mi bayukiri mu ntoono ye myabuunu, ngo kasi ye-meene wukwedyaatila kunsa mangisi.

Musamu wamubwete watina Matayi 15:2

«Bukuri nki bayiki ba ye bari mu kwesinina kikulu kya bakuutu? Bo bahele mu kweswaaka myooko mu ntaangu ya kudya.»

Mukaanda kuri bari Loma 4:12

Na nde kaba taayi dya bateende bubakala, kari dya bani bateende bubakala ko, ngo se bakwenama bitaambi bya kanyi dya taayi dyeetu, Abalaami bu kaba wakiri bubakala kuteende pe.

2 Tes 3:11

Ngo beetu turi mu kweyuka ti bakaka mu beenu, bari mu kwedyaatila kunsa kisaangila, bahele kwesala, kasi bakwenama misamu myominso.

Musamu wamubwete watina Malako 7:8

Bu lubwoongiri mangisi ma Nzaambi, beenu lukaangimini mu kikulu kya baatu!»

Musamu wamubwete watina Malako 7:9

Nde wabweese kubaleele ti: «Beenu luyaari nkati kunyaafunaa mangisi ma Nzaambi, mu kukebe kikulu kya beenu-meene!

Musamu wamubwete watina Malako 7:13

Beenu luyalaana Maampu ma Nzaambi, mu kuyiingisa kikulu kyeenu, ki luri mu kweyikisa; misamu myalaka luri mu kweyirika mya bubwo.»