Musamu wamubwete watina Malako 7:25 - Musamu Wamubwete 2013

²⁵ Hanaho, mukyeetu mosi, waba na mwaana wa mukyeetu waba na mpeeve yayibi, bu kayuka dyo, wayisa na wabwa ha miilu mya Yesu.

Musamu wamubwete watina Malako 7:25 Referans Kwoze

Musamu wamubwete watina Matayi 15:22

Na mono, mukyeetu mosi, wa ku Kanana wa mu mankoonsi mamo, wayende kuri Yesu wafula musaakulu waleele kuri nde ti: «Mfumu, mwaana Davidi, bakila me ngebe. Mwaana me wa mukyeetu wubama kwalaka kuri mpeeve yayibi!»

Musamu wamubwete watina Luka 17:16

Nde wabwa, kuri watsuka busu ha miilu mya Yesu, na wabvutula matoondo kuri nde. Muutu wunde waba Musamariya.

Musamu wamubwete watina Malako 5:33

Wa mukyeetu, bu kaba kayaaba mamo ma kabwanikini na mo, wayende, wabwa ha busu bwa Yesu, mu boomo na mantekete, na wamuleele ngwanwa yoyinso.

Musamu wamubwete watina Malako 1:40

Mubeeru bwaasi mosi wayisa kuri Yesu mu kumuyingukila, [watsukuma] na wamuleele ti: «Buti ye tiiri, lo wakuka mu kunsinikisa.»

Musamu wamubwete watina Malako 7:24

Yesu kayisikaa ha kibeendu kikyo, wayende mu mankoonsi ma Tiro. Bu kakoto mu nzo mosi, nde kasii tya ko ti, muutu ti mosi kayaaba, ngo kasii bangusina kuba wasweeme.

Musamu wamubwete watina Malako 7:26

Mukyeetu wunde waba Muhelene, wabutukila ku Fenisi dya Sirya. Nde wayingukila Yesu mpisi kapalisa mpeeve yayibi yaba mu mwaana waandi.