Musamu wamubwete watina Malako 7:21 - Musamu Wamubwete 2013

²¹ Bukuri mu mitima mya baatu, mu palaana bitsimi byabibi: buyala, kwiibi, munzusu baatu,

Musamu wamubwete watina Malako 7:21 Referans Kwoze

Musamu wamubwete watina Matayi 15:19

Bukuri mu mutima mu palaana: bitsimi byabibi, munzusu baatu, kimpala, buyala, kwiibi, bimbaangi byampya na nsaanunu.

Biyiriki bya Bantumu 8:22

Hango yiinga madyeele mu bubi bwaaku, na saambila Mfumu, kampe bakuhemisini bitsimi bya mutima waaku.

Musamu wamubwete watina Matayi 9:4

Yesu bu kabakula bitsimi bya bo, waleele ti: «Buri luri na bitsimi byabibi kunsa mitima myeenu?

Mukaanda wa Yakobo 2:4

Buri haho kari nsobokoso luri mu kusa mu beenu-meene ko? Na kari lweki batsuundisi bari na mfyongokunu yayibi ko?

Musamu wamubwete watina Luka 16:15

Nde waleele kuri bo ti: «Beenu lukwesoongo ha busu bwa baatu ti lwasuunguma, ngo kasi Nzaambi yaari mitima mya beenu. Mukwongo, bibyo biri baatu bamono ti byadzaangama, ha busu bwa Nzaambi biri byanyaafuna.»

Mukaanda kuri bari Loma 7:8

Mu nzila ya mangisi, masumu mabaka mpwaani, ya kubuta mu me, nyiimunu dza bitsuumbu-bitsuumbu. Bukuri, mangisi mbuti mo pe, lo masumu mafwa.

Biyiriki bya Bantumu 5:4

Ha buri lumpaangu lwabeeri luri lwa ye ko, tekesele ye wuyarika lwo? Na ha mambisa ma kuluyarika kari mboongo dzidzo dzibeeri dza ye-meene ko? Dyaburi ye tsiminyee ma bubwo? Ye wahele kuwuna baatu, ngo kasi Nzaambi.»

Mukaanda kuri bari Loma 7:5

Mukwongo, mu ntaangu yi twaba twakiri kwedyaatila mu kimuutu, mantiilu ma masumu mu nzila ya mangisi, maba kwesalaana mu binamu byeetu, mu kubuta bimbutu binata ku lufwa.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

Musamu wamubwete watina Malako 7:20

Nde wabweese kuleele ti: «Mamo mapalaa mu muutu, mamo masumunaa muutu.

Musamu wamubwete watina Malako 7:22

kimpala, ntiki-mboongo, mamabi, mawunu, kisaangila, miisu-mbengele, nsaanunu, masiiku, buwulu;

Mukaanda kuri bari Kolosayi 3:5

Ngo hoteenu kusalila bifu bya nsi: buyala, nsumukunu, mantiilu mamabi, nyiimunu dzadzibi, na ntiki-mboongo yiri nsambukulu-biteki.