Musamu wamubwete watina Malako 4:21 - Musamu Wamubwete 2013

²¹ Yesu waleele kuri bo ti: «Buri muutu lo tweesi mwiinda mu kuri ti kamufuka kunsa mpiri, bunu pe mu kumusuusa kunsa mbuka? Buri lo kari mu kumusuusa ha yulu kitetukulu kya mwiinda ko?

Musamu wamubwete watina Malako 4:21 Referans Kwoze

Musamu wamubwete watina Matayi 5:15

Bakoonamukaa mwiinda mu kumufuka kunsa mpiri ko, ngo mu kumusuusa ha yulu kitetukulu kya mwiinda, mpisi kaseme kuri bobanso bari munsa nzo.

Musamu wamubwete watina Luka 11:33

«Kuri muutu ko wuri kanamukaana mwiinda, wumusuusiri kunsa kisweekulu, [bunu pe kunsa kisa]. Ngo kasi lo kumusuusa ha yulu kitetukulu kya mwiinda, mpisi heki bakoto, bamono buungi.

Musamu wamubwete watina Luka 8:16

«Mukwongo, kuri muutu ko wuri kanamukaana mwiinda wumufukiri kisa, bunu pe wumusuusiri kunsa mbuka; ngo kasi nde lo kumusuusa ha kitetukulu kya mwiinda, mpisi heki bakoto bamono buungi.

1 Kol 12:7

Kuri muutu-muutu Mpeeve yamonokono mu kikabu, mu ntoono ya mamo mari mufunu.