Musamu wamubwete watina Malako 4:17 - Musamu Wamubwete 2013

¹⁷ Ngo bo bahele na myaansi mu bo-meene, mwaa-kidzika kyantele bari na kyo. Ha lumbisa haho, mpasi bunu pe nkwamusunu dzibaanaa dzeki kwiisa mu ntoono Maampu, mwaa-ntaangu yantele babwiiri.

Musamu wamubwete watina Malako 4:17 Referans Kwoze

Musamu wamubwete watina Matayi 11:6

Kiminu kuri wunde wuhele kubumina makya mu me.»

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Musamu wamubwete watina Matayi 12:31

Hango-nkuumbu me nyiluleele ti: sa bahemesene baatu masumu na nsaanunu dzodzinso, ngo wunde wusaana mpeeve kabaka mpemisi ko.

Nyabusulu ya Yowane 2:13

Me nyaari ku wubaanaa ye, kukwo kuri mboloko Satana, ye wakwaata mu makwa nkuumbu yaami, na wahele kutuna kanyi dya mu me, ti mu biluumbu bya Antipa, mbaangi yaami, mpaangi yaami yakwiikama, wubari badzusa kuri beenu, kwa tuunga Satana.

1 Yow 2:19

Bo bapariri ha kakati dya beetu, ngo basii kuba ba beetu ko; bukuri mbuti ngo, baba ba beetu, nkani baketi kudzakala na beetu. Bo bapariri mpisi diba dyayabakana ti bobanso bari ba beetu ko.

Mukaanda kuri Bahebeleho 10:29

Heki lo buri beenu lutsima bubeele bunene bwa maseembu, ma baha kuri wunde wusaana Mwaana Nzaambi, wunyaafuna makila ma lulelusunu ma kari kabakala bungisi, na kutuka Mpeeve ya bweese?

2 Tim 4:16

Ha nyaba nwaanikina me buungu dyaami mu lwatete, kuri muutu ti mosi ko wambakisiri, ngo bobanso banyekiri. Ngo yaa babaka mafuumbu mu mimyo ko.

2 Tim 1:15

Ye yaari dimadi ti bobanso bari ku Asya banyekele; mu bo kuri Fingelo na Eremongene.

Musamu wamubwete watina Yowane 8:31

Hango Yesu waleele kuri Bayudayo basiiri kanyi mu nde ti: «Mbuti beenu lunamitini mu maampu maami, lo ngwanwa, beenu luri bayiki ba me;

Musamu wamubwete watina Luka 12:10

«Mpisi wuleele ntoono yayibi mu Mwaana muutu, lo sa bamuhemesene; ngo kasi wunde wusaana Mpeeve Yangisi, lo bamuhemesene ko.»

Musamu wamubwete watina Matayi 13:21

ngo maampu mahele kubaka myaansi mu nde; nde muutu wa mwaa-ntaangu yantele. Manyoongi bunu pe nkwamusunu bu biisiri mu ntoono ya Maampu, hanaho nde bwiiri.

2 Tim 4:10

Mukwongo, Dema wanyekele, mu lumalu nde weki kutya kwaandi misamu mya ntaangu yimayi, na wayensi ku Tesalonika; Kereseke ngo wuri wayensi ku Ngalatya, na Tito ku Dalamatya.

Mukaanda kuri bari Ngalatya 6:12

Bobanso bari na nzala-kubila mu muswinyi, batiiri kulukwiikisa kuteende bubakala, mpisi heki bahele kuba bakwaamusu mu ntoono ya kuruwa dya Kiristo.

Musamu wamubwete watina Malako 4:16

Baatu bari bunu nsaangi dzibwiiri ha butoto buri ha yulu matari, ngo bari bu bayukiri Maampu hanaho, bamataamburi mu kiminu.

Musamu wamubwete watina Malako 4:18

Baatu bakaka bari bunu nsaangi dzibwiiri hari mpaanga, ngo babo bari bayukiri Maampu,