Musamu wamubwete watina Malako 3:27 - Musamu Wamubwete 2013

²⁷ «Kuri muutu ti mosi ko, wuri lo kotiri mu nzo ngaa-makwa, mu kumuholo na bitotolo, mbuti wahele kutekesele kukaanga ngaa-makwa wunde mu bikonyi, tumi lo horiri biri mu nzo yaandi.

Musamu wamubwete watina Malako 3:27 Referans Kwoze

Musamu wamubwete watina Matayi 12:29

«Dyaburi muutu katsiitsa kukoto mu nzo ngaa-makwa, na kuholo bitotolo bya nde, mbuti wahele kutekesele kukaanga ngaa-makwa wunde mu bikonyi? Tumi lo horiri biri mu nzo yaandi.

1 Yow 4:4

Mwaa-baala, beenu luri ba Nzaambi, na beenu lwabwiisiri babikiri bampya; bukuri wunde wuri mu beenu, bvuriri makwa na wunde wuri mu nsi.

1 Yow 3:8

Wunde wuyirikaa masumu, lo wa dyabulu, bukuri kuholosono kunu mbandukulu dyabulu watobiri masumu. Mu dimadi Mwaana Nzaambi kamonikini, mpisi katsyaamuna biyiriki bya dyabulu.

Mukaanda kuri bari Kolosayi 2:15

Bu kasyoonono kimfumu kya bakuutu na batumi, wabayanika mu kuba basaana ha busu bwa baatu, wabakoko bunu maboroko kunsa ndulukulu yaandi.

Musamu wamubwete watina Yowane 12:31

Mu lumalu, nsundusulu ya nsi yeki; mu lumalu, mfumu ya nsi yimayi sa bamutuba ku mbasi;

Mukaanda kuri Bahebeleho 2:14

Ngo bukuri baala babo bari na nyutu ya muswinyi na makila, na nde se wabaka nyutu ya bubwo, mpisi heki mu lufwa lwaandi, nde kamana makwa ma wunde waba na lutumu mu lufwa, ngo dyabulu,

Mukaanda kuri bari Loma 16:20

Mwaa kidzika kyantele, Nzaambi ya kiyeengi sa kakosono Saatana kunsa bitaambi byeenu. Bweese bwa Mfumu yeenu Yesu buba na beenu!