Musamu wamubwete watina Malako 16:16 - Musamu Wamubwete 2013

¹⁶ Wunde wusiila kanyi, na wutaambula mbotokulu sa kabvuuka, ngo wunde wuhele kusiila kanyi sa bamukesele mukanu.

Musamu wamubwete watina Malako 16:16 Referans Kwoze

Musamu wamubwete watina Yowane 3:36

Wunde wusa kanyi mu Mwaana wuri na kidziingu kyahele manunu; ngo kasi wubisa kusa kanyi mu Mwaana, kabaka kidziingu ko, ngo kasi nkesi dza Nzaambi dzibwa ha yulu nde.»

Biyiriki bya Bantumu 2:38

Petelo waleele kuri bo ti: "Yiingeenu madyeele [bubwo kaleeriri] na mosi-mosi mu beenu kataambula mbotokulu mu nkuumbu ya Yesu Kiristo, mu mpemusunu ya masumu ma beenu, tumi lutaambula kikabu kya Mpeeve Yangisi.

Musamu wamubwete watina Yowane 5:24

«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.

Musamu wamubwete watina Yowane 8:24

Hango me nyileele kuri beenu ti: Beenu sa lwafwiila kunsa masumu meenu. Mukwongo, mbuti lwahele kusiila kanyi ti "me nyiri", lo sa lwafwiila kunsa masumu meenu.»

Musamu wamubwete watina Yowane 6:29

Yesu wabvutula waleele kuri bo ti: «Kisalu kya Nzaambi kiri kuri ti beenu lusa kanyi mu wunde wu kari kaheeke.»

Musamu wamubwete watina Yowane 3:5

Yesu wabvutula ti: «Ngwanwa mu ngwanwa, me nyikuleele ti, mbuti muutu wahele kubutuka mu maampa na mu Mpeeve, lo kabangusina kukoto mu Kimfumu kya Nzaambi ko.

Biyiriki bya Bantumu 10:43

Babikiri bobanso bateele nde kimbaangi, mpisi wusa kanyi mu nde, sa kataambula mpemisi ya masumu mu nkuumbu yaandi."

Musamu wamubwete watina Yowane 20:31

bimabi babitinini, mu kuri ti beenu lusa kanyi ti Yesu ngo Kiristo, Mwaana Nzaambi, na mpisi heki mu nsiilu kanyi, beenu lubaka kidziingu mu nkuumbu yaandi.

Nyabusulu ya Yowane 20:15

Mbuti muutu wahele na nkuumbu yatinu mu mukaanda wamwooyo, lo bamutubiri ku dyaanga dya mbaawu.

Musamu wamubwete watina Yowane 6:35

Yesu waleele kuri bo ti: «Me ngo mpa ya bumwooyo. Wunde wukwiisa kuri me, kari mbakila nzala ko, na wunde wusa kanyi mu me, kari mbakila mpwiisu ko.

1 Pet 3:21

Kikyo kyaba kifwaani kya mbotokulu, yilubvuukisa mu lumalu, mbotokulu yiyo yiri ya nswaakulu mviindu dza muswinyi ko, ngo ntambukulu Nzaambi mu kitsimi, mu nzila ya mfulukulu Yesu Kiristo,

Musamu wamubwete watina Malako 1:15

waba kweleelaa ti: «Ntaangu yikukiri na Kimfumu kya Nzaambi kikokisiri! Yiingee madyeele, na seenee kanyi mu Musamu Wamubwete!»

Biyiriki bya Bantumu 22:16

Ngo mu lumalu, nki wubweese kukiinga? Teleme, taambula mbotokulu, na mpemusunu ya masumu maaku, mu nteelulu nkuumbu yaandi."»

Musamu wamubwete watina Yowane 6:40

Kutya kwa Taayi dyaami kuri ti, wunde wumono Mwaana na wusa kanyi mu nde, kabaka kidziingu kyahele manunu, na me sa nyamufulukisa mu kiluumbu kya manunu.»

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

Biyiriki bya Bantumu 2:41

Hango, bo bu bataambula maampu maandi, bababotoko, na mu kiluumbu kikyo, kampe mafuunda matatu ma baatu mayikimini.

Musamu wamubwete watina Luka 8:12

Luteembu lwa nzila ngo baatu bari, bamana kuyuka maampu, ha mambisa haho, dyabulu wiisiri, na yisiri maampu mu mitima mya bo, mu kubata kuri ti bakwiisa kusa kanyi na baba babvuukusu.

Musamu wamubwete watina Matayi 28:19

Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi,

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Biyiriki bya Bantumu 13:39

Mu nde, mpisi musi kanyi lo sa kaba walulukusu.

Mukaanda kuri bari Loma 4:24

Ngo kasi, mu beetu se, bari bayelemini kumono bubwo, basiilaa kanyi mu wunde wafulukisi Yesu, Mfumu yeetu, mu bafwa.

2 Tes 2:12

Mpisi heki, bobanso bahele kusa kanyi mu ngwanwa, ngo bamono kiminu mu bubayi, baba batsuundisa.

2 Tes 1:8

kunsa mbaawu ya mile, mu kubvutula bubi kuri babo bahele kuyaaba Nzaambi, na bahele kutumuma mu Musamu Wamubwete wa Mfumu yeetu Yesu.

Biyiriki bya Bantumu 13:46

Kasi Pawulo na Barnaba bu baba baluula mu nsiitu baleele ti: "Kuri beenu baketyee kuyikiseeti maampu ma Nzaambi; ngo mu bukuri beenu luri mu kulooso mo, na lumono mu beenu-meene ti lwahele kukuka mu kidziingu kya mantaangu momanso; mono beetu tusyeetukiri kuri bangooyi.

Mukaanda kuri bari Loma 3:6

Ti bele na dyo pe! Lo dyaburi Nzaambi mbasi-tsuku katsuundisila nsi?