Musamu wamubwete watina Malako 14:54 - Musamu Wamubwete 2013

⁵⁴ Petelo waba kwenamaa Yesu kila-kila natee kunsa mbasi ya mukuutu bangaanga-nzaambi. Na nde waba wadzakala ha kimosi na bangaamba mu kuyoto mbaawu.

Musamu wamubwete watina Malako 14:54 Referans Kwoze

Musamu wamubwete watina Yowane 18:18

Bisari na bakebi, baba bateleme mu kuyoto mbaawu, yi baba babvuka, bukuri kwaba kyoosi. Petelo se waba kintwaari na bo mu kuyoto mbaawu.

Musamu wamubwete watina Matayi 26:3

Hanaho, bakuutu ba bangaanga-nzaambi, na bakulu bababakala ba kaanda kukutukina ku nzo mukuutu bangaanga-nzaambi, wuri nkuumbu Kayafa.

Musamu wamubwete watina Yowane 18:25

Simoni Petelo, bu kaba wateleme haho, mu kuyoto mbaawu, baleele kuri nde ti: «Buri ye se, wuri mosi mu bayiki ba nde ko?» Nde watuna na waleele ti: «Me nyiri nde ko.»

Musamu wamubwete watina Luka 22:44

Wabwilikila kinkuuka na wasyaama mu kusaambila; tukutu twaandi twaba tweki bunu mabete ma makila, mari mu kubwa ha nsi.]

Musamu wamubwete watina Malako 14:38

Beenee naana na saambileenu mpisi luhele kubwa mu nsindukulu. Kiluunsi kiri na makwa, ngo kasi muswinyi wuri na buyonsi.»

Musamu wamubwete watina Matayi 26:58

Petelo waba kwemunamaana kila-kila natee ku mbasi ya nzo mukuutu bangaanga-nzaambi. Bu kakoto kunsa-kati, wadzakala bo na bisari mu kumono manunu.

Musamu wamubwete watina Malako 14:66

Petelo bu kaba ku nsuku ha mbasi, mosi mu bisari bya bakyeetu bya mukuutu bangaanga-nzaambi wayisa,

Musamu wamubwete watina Luka 22:54

Bo basiimba Yesu, na bamukotoso mu nzo mukuutu bangaanga-nzaambi. Petelo waba kwenamaana kila-kila.