Musamu wamubwete watina Malako 13:9 - Musamu Wamubwete 2013

⁹ Ngo seenee madyeele mu beenu-meene. Sa baluyekele ha busu bwa kikuutu, sa balulata mu manzo ma nkutukunu, na sa lwateleme ku muyalu ha busu bwa batumi na ha busu bwa bambyaasi, mu ntoono me, mu kuteele me kimbaangi kuri bo.

Musamu wamubwete watina Malako 13:9 Referans Kwoze

Musamu wamubwete watina Yowane 16:2

Bo sa balubingisa mu manzo-mankutukunu; na ntaangu yiri mu kwiisa yiri baatu badzusa beenu lo bubatsima ti, Nzaambi bari mu kusalila mu kiteesu kya bubwo.

Musamu wamubwete watina Malako 13:5

Yesu wabeke mu kubaleele ti: «Seenee madyeele, muutu ka kwiisa kuluwuna.

Nyabusulu ya Yowane 2:13

Me nyaari ku wubaanaa ye, kukwo kuri mboloko Satana, ye wakwaata mu makwa nkuumbu yaami, na wahele kutuna kanyi dya mu me, ti mu biluumbu bya Antipa, mbaangi yaami, mpaangi yaami yakwiikama, wubari badzusa kuri beenu, kwa tuunga Satana.

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

2 Tes 1:5

Kikyo kidiimbu kya mutsuundu Nzaambi wasuunguma, mpisi luba lwamonoko ti lwayelemene mu kimfumu kya Nzaambi, ki luri mu kwemwiina mpasi.

Mukaanda kuri bari Filipo 1:29

Bukuri beenu baluha bweese mu ntoono Kiristo, kari munu mu kusiila kanyi mu nde ko, ngo na mu kumono mpasi se mu ntoono nde,

Biyiriki bya Bantumu 21:11

na wayisa kuri beetu. Bu kaholo musweele Pawulo, wakaanga miilu na myooko mya nde-meene, na waleele ti: Mpeeve wuleele bumabu ti: muutu ngaa-musweele wu, Bayudayo sa bamukaanga bikonyi bumabu ku Yerusalemi, na kumuyekele mu myooko mya bangooyi.

Biyiriki bya Bantumu 9:16

bukuri, me sa nyamusoongo mamo mayelemini kuri nde, mu kumono mpasi mu nkuumbu yaami."

Biyiriki bya Bantumu 7:54

Bu bayuka mamo, babaka mankesi munsa mitima mya bo, na bamukweetele miinu.

Musamu wamubwete watina Yowane 15:20

Baambukeenu mwooyo mu maampu ma nyaluleeriri: "Kisari wahele kulutila bunene ti na mfumu yaandi." Mbuti bo bakwaamisini me, lo beenu se sa balukwaamisa; mbuti bakebiri maampu ma me, lo sa bakebe se na ma beenu.

Musamu wamubwete watina Luka 9:5

Babo babisa kulutaambula, lubaana lupala mu bvula didyo, lo kubulee fuunda diri mu bitaambi byeenu, mpisi kiba kimbaangi mu bubi bwa bo.»

Musamu wamubwete watina Malako 6:11

Ha bula bu babisiri kulutaambula na kuluywiila, bu luri mu kweende, lo kubulee fuunda diri mu miilu myeenu, mpisi kiba kimbaangi kuri bo.»

Musamu wamubwete watina Malako 1:44

na wamuleele ti: «Wuyuka, yaa leele kuri muutu ti mosi ko; ngo yende soongo nyutu kuri ngaanga-nzaambi, na nata bibyo biloombo mangisi ma Moose, mu ntoono nsyemukunu yaaku, mpisi kiba kimbaangi kuri bo.»

Musamu wamubwete watina Matayi 5:22

Ngo me nyiluleele ti: mpisi wunde wubakila mpaangi yaandi nkesi, lo yelemini kuba watsuundusu. Wunde wuleele kuri mpaangi yaandi ti: "kiwulu!", lo yelemini kuba watsuundusu kuri kikuutu; Wunde wuleele kuri mpaangi yaandi ti: "Kilawuku!", lo mukesu, lubila lwa mbaawu.

Musamu wamubwete watina Malako 13:8

Mansi na mansi sa manwaana, bimfumu na bimfumu sa byanwaana; butoto sa bwatembele mu mampele malaka, na sa kwaba nzala; yiyo ngo mbandukulu misoongo mya mbutulu.

2 Yow 1:8

Seenee madyeele beenu-meene, mpisi heki luhele kudziimbisa bi turi twasala, ngo lutaambula mufutu wakuka.