Musamu wamubwete watina Malako 13:5 - Musamu Wamubwete 2013

⁵ Yesu wabeke mu kubaleele ti: «Seenee madyeele, muutu ka kwiisa kuluwuna.

Musamu wamubwete watina Malako 13:5 Referans Kwoze

Mukaanda kuri bari Kolosayi 2:8

Seenee madyeele, muutu mu beenu kahele kubwa mu mweete wa madyeele ma nzoonsulu, na mu mawunu mabuunu, bunu buri kikulu kya baatu, na bunu buri bitotolo bya nsi, byahele kuba mu Kiristo.

Mukaanda kuri bari Efeso 5:6

Yaa kuba muutu wuluwuna mu misamu myahele mufunu ko, bukuri mu mimyo nkesi dza Nzaambi dzikwiisaana ha yulu baala ba nko.

1 Yow 4:1

Banduku ba mutima, yaa lwesiila kanyi mu mpisi mpeeve ko, ngo fyongokinee mampeeve, mbuti ma Nzaambi mari; bukuri babikiri bampya balaka bamwaakwiisa mu nsi.

2 Tes 2:3

Muutu yaa kaluwuna mu ntoono ti mosi ko. Kiteesu kya nyekululu kanyi mu Nzaambi kyakiri kutekesele kwiisa, na muutu wahele na mangisi wakiri kumonokono, mwaana wa mfukusulu.

1 Kol 15:33

Yaa luwunukina kweenu ko: «Kimbaasi kyakibi kikoobiyisa bifu byabibwete.»

Musamu wamubwete watina Luka 21:8

Nde waleele ti: «Seenee madyeele mpisi luhele kuwumuka; bukuri baatu balaka sa biisa mu nkuumbu me, na sa beleele ti: "Me nyiri", na ti: "Ntaangu yikokisiri!" Ngo yaa lubanama ko.

Musamu wamubwete watina Malako 13:4

«Leeleeti beetu, mu nkya ntaangu mamo mayirima, na nkya kidiimbu kisoongo kuri ti byobinso sa byawa?»

Musamu wamubwete watina Malako 13:6

Baatu balaka sa biisa mu nkuumbu yaami, sa baleele ti: "Wumawu me!" Na sa bawumuna balaka.