Musamu wamubwete watina Malako 10:30 - Musamu Wamubwete 2013

³⁰ lo heriri kutaambula ku kinkama, mu ntaangu ya lumalu: manzo, bampaangi, bibusi, banguri, baala na manseke kunsa nkwaamusunu, tumi kidziingu kyahele manunu, mu ntaangu yikwiisa.

Musamu wamubwete watina Malako 10:30 Referans Kwoze

Mukaanda kuri bari Filipo 3:8

Ngo kasi nyimono se ti byobinso byafuukila, ha busu bwa nyaabulu yibvuriri bunene mu Kiristo Yesu, Mfumu yaami. Mu ntoono nde, byobinso bi nyaba na byo nyamana kubibwoongolo, na me nyibimono bunu bitiiti byaloosu, mpisi heki me mbaka Kiristo,

Musamu wamubwete watina Luka 18:30

wuri lo heriri kutaambula mu ntaangu yimayi, bibyo bibvuriri, na mu ntaangu yikwiisa, kidziingu kyahele manunu.»

2 Kol 6:10

bunu bari mu ngebe, koomosoko bari mu kiminu; bunu bari kunsa buwelu bwa makwa, koomosoko bakwekabula busina; bunu bahele na kitotolo, koomosoko bari na byobinso.

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

Mukaanda wa Yakobo 5:11

Monee, beetu tuleelaa kuri babo bakuundaa mpasi, ti bari mu lwambwe. Beenu lwayukiri kifiki ka Yobi, na lwamwiini nsukulu yaba yitiiri Mfumu, ti Mfumu waluula mu bundeembu na wubakila ngebe.

Nyabusulu ya Yowane 3:18

Ndoongi yi nyikuha, yiri ti suumba woolo dyatsyeemusu mu mbaawu kuri me, mpisi heki ye ba kisina, suumba binkuta byahembeke, wubilwaata mpisi sweeke nsoni dza kimpene kyaaku; suumba se mukelu wa kutsoniso mu miisu mpisi ye mono.

1 Tim 6:6

Mukwongo, kinzaambi nzila ya kubakila ndaandu, mbuti ye kiminu kwemono munu mu biwuri na byo.

Biyiriki bya Bantumu 5:41

Hango bantumu bayende kwaaku mu kiminu ha busu bwa kikuutu, bukuri bamonikini ti bo bayelemene kubama mu ntoono nkuumbu.

1 Yow 3:1

Monee nkya ntiilu Taata kari katutiila, mpisi heki batuteele baala ba Nzaambi, na turi se bo. Hango-nkuumbu, nsi yahele kutuyaaba, bukuri yahele kuyaaba nde.

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

Mukaanda kuri bari Loma 6:23

Mukwongo, mufutu masumu ngo lufwa; ngo kasi kikabu kya mungengi kya Nzaambi, ngo kidziingu kyahele manunu, mu Kiristo Yesu Mfumu yeetu.

Mukaanda kuri bari Loma 5:3

Kari bunubwo kitsu ko, ngo beetu tusiila kimweese kyeetu mu mpasi, bu tuyaari ti mpasi dzibutaa kifiki.

Biyiriki bya Bantumu 16:25

Mu kakati dya butsuku, Pawulo bo na Sila baba saambilaana na baba yimbilaana mu kudumusa Nzaambi, na baba mu boroko bakaka baba baywiilaana.

Musamu wamubwete watina Yowane 10:23

Yesu waba mu kweyende munsa Nzo-nzaambi kunsa saansi dya Solomo.

Musamu wamubwete watina Matayi 12:32

Mpisi wunde wuleele ntoono yayibi mu Mwaana muutu, lo sa bamuhemesene; ngo kasi wunde wudzoonsolo bwabubi mu Mpeeve Yangisi, lo bamuhemesene ko, ti mu ntaangu yimayi, ti mu ntaangu yikwiisa.»

Musamu wamubwete watina Matayi 6:33

Tekeselee meti kusaka Kimfumu [kya Nzaambi] na nsungumunu yaandi; tumi byobinso bibyo balubweese ha yulu.

Nyabusulu ya Yowane 2:9

Me nyaari mpasi na buwelu bwa ye, kasi wuri kisina, nyaari se nsaanunu dza babo bari mu kweleele ti Bayudayo bari, ngo bari Bayudayo ko, kasi baatu ba nzo-nkutukunu ya Satana.

1 Yow 2:25

Na lu ngo lusiilulu lu kari kalusiila, kidziingu kya mantaangu momanso.

Musamu wamubwete watina Matayi 13:8

Dzakimi dzabwa ha butoto bwabubwete na dzabuta. Miti myamosi myaha nkama bimbutu; myakaka makuumi masaamunu, na myakimi makuumi matatu.

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

1 Tim 4:8

Mukwongo, kutsitsikila kwa nyutu, kuri mufunu mu myantele; ngo kasi kuba na kinzaambi kuri mufunu mu myominso, kuri na lusiilulu lwa kidziingu kya lumalu, na kya ku mankula.