Mu nsinsika, bobanso baba na babeeru, babeele mabeeru ma bitsuumbu-bitsuumbu, babatwaala kuri Yesu. Nde wateeteke myooko ha yulu mosi mosi mu bo, na wabatsinikisa.
Mvuumfu yaandi yatsamukina mu Sirya dyodinso. Bamutwalikila babeeru bobanso baba na mabeeru ma bitsuumbu ngo bitsuumbu na ba kweluunga na mpasi, [na] baba na mampeeve mamabi, baba na bubeeru bwa kimbikila-ngoondo, baatu babobo binamu, na nde wabatsinikisa.
Yesu na bayiki baandi bakoto mu bvula dya Kafarnawumi. Mu kiluumbu kya mpuumunu, nde wakoto mu nzo-nkutukunu, na mu kilookolo kinikyo, nde wabeke mu kuyikisa.
Mampeeve mamabi se mapala mu babeeru balaka, kuri makwebikisa ti: «Ye ngo Mwaana wa Nzaambi!» Ngo Yesu wamaŋaŋina, na kasii kumaha miswa mu kuleele mimyo ko, bukuri maba mayaari ti nde ngo Kiristo.