Musamu wamubwete watina Malako 1:27 - Musamu Wamubwete 2013

²⁷ Baatu bobanso babwiilila kinkuuka kuri bafulusina bo na bo: «Nki bi? Nyikusulu yamoono mu lutumu! Nde wuha ntumunu kuri mampeeve mamabi, na mo mari mu kwemutumumina!»

Musamu wamubwete watina Malako 1:27 Referans Kwoze

Musamu wamubwete watina Luka 9:1

Yesu wakutukisa bo kuumi na boolo, wabaha mpinu na lutumu ha yulu mampeeve momanso mamabi, na mu kwebuka mabeeru,

Musamu wamubwete watina Malako 7:37

Baatu bamono dyo dyankimukunu yalaka na baleele: «Nkati momanso ma kari mu kweyirika mamabwete. Nde wuyukusa bafwa makutu na wudzoonsoso mababa.»

Musamu wamubwete watina Matayi 15:31

Mu kiteesu kiri mpuumbu baatu yakimuka mu kumono mababa madzoonso, bari na bipfuumi babatsiika babele miilu bakweyende, na bafwa-miisu bari mu kumono. Na bo bari mu kusiikaana Nzaambi ya Isaheli.

Musamu wamubwete watina Matayi 9:33

Yesu kamanaa kupalisa mpeeve yayibi, baba wadzoonso. Mampuumbu ma baatu makimuka na baleele ti: «Twamwii mya bu mu Isaheli ko!»

Musamu wamubwete watina Luka 4:36

Bobanso bamono boomo, na balelesene bo na bo ti: «Nkya maampu ma? Muutu wumawu wudzoonso mu lutumu, na mu mpinu kuri mampeeve mamabi, na mapala!»

Musamu wamubwete watina Malako 10:32

Baba mu nzila mu kutoomboko ku Yerusalemi, Yesu waba ku mankula. Bayiki baandi baba na boomo, na babo baba kwebanama baba na nzala mwooyo. Yesu wabweese kuholo bo kuumi na boolo, na wabeke mu kubaleele mamo mamubwilikila.

Musamu wamubwete watina Malako 10:24

Bayiki babaka boomo mu misamu mimyo. Ngo Yesu wabweese kuleele kuri bo ti: «Mwaa-baala, nkati diri dya mpasi mu kukoto mu Kimfumu kya Nzaambi.

Musamu wamubwete watina Matayi 8:9

Mukwongo, me muutu nyiri kunsa lutumu, ngo me-meene se nyiri na bayongolo kunsa lutumu lwa me. Me ndeelaana kuri wumawu ti: "Yende", lo nde weensi; na wakaka ti: "Wasa", lo wiisiri; na kuri kisari kyaami ti: "Yirika mamama", lo yirikiri.»

Musamu wamubwete watina Malako 1:26

Mpeeve yayibi yamunyingisa mu makwa, na bu kafula musaakulu wamunene, yapala mu nde.

Musamu wamubwete watina Malako 1:28

Mvuumfu Yesu yatsamukina, hanaho, mu nkoonsi yoyinso ya Ngalili.

Musamu wamubwete watina Malako 16:5

Bu bakoto munsa mampeembe, bamono mwa munkuula mosi wadzakala ha lubakala, walwaata kinkuta kyahembeke; bo babwiilikila kinkuuka.

Musamu wamubwete watina Malako 16:6

Munkuula wunde wabaleele ti: «Yaa luba na boomo ko; beenu lukwesaka Yesu, wa ku Nadzareti, wu babee komono; fulukiryeenu, kasiiryee ha ko; monee ha babee basuusa nyutu yaandi.

Biyiriki bya Bantumu 17:19

Bo bamukangaana bamunata ha kibeendu kya mfuundu bakuutu ba bvula, ha bamuleele ti: "Buri beetu lo tutsiitsiri kuyaaba nkya nyikusulu dzamoono ye wuri mu kweyaabisa?