Musamu wamubwete watina Matayi 6:5 - Musamu Wamubwete 2013

⁵ «Habaanaa lusaambila, lo yaa luba bunu bangaa-bumpitu-bumpyoongo ko, bukuri bo batiiri kwesaambila mu mutele, mu manzo mankutukunu na mu makuumbu ma manzila, mpisi baatu beebamono. Mu ngwanwa me nyiluleele ti: bo bakootaambula museendu waaku.

Musamu wamubwete watina Matayi 6:5 Referans Kwoze

Musamu wamubwete watina Matayi 6:2

Habaanaa wuha kikabu kuri bawelu, lo yaa sika mvumvuri ko ha busu bwa ye, bu koosaana bangaa-bumpitu-bumpyoongo, mu manzo mankutukunu, na mu manzila, mpisi baatu babasiika. Ngwanwa me nyiluleele ti: bo bakootaambula museendu waaku.

Musamu wamubwete watina Luka 18:13

Ngo kasi, mutori-mpaku, bu kaba wateleme mwaa-lutaki, waba wahele kutya ti kusyeetele miisu ku yulu, ngo waba yalaa myooko myaandi na kuleele ti: "Ho! Nzaambi, bakila me ngebe, me nyiri ngaa-masumu."

Musamu wamubwete watina Malako 11:25

Lubaanaa lwateleme luri mu kusaambila, mbuti lwakebele muutu kooti, lo muhemesene, mpisi heki taayi dya beenu se diri mu mayulu, kaluhemesene lumvuki lweenu.» [

Musamu wamubwete watina Luka 20:47

Bo bakweholo bitotolo mu manzo ma bafwiila balumi, na bafuta kwesa nsaambulu dzadzila. Bo sa bataambula maseembu mabvuriri bunene.»

Mukaanda wa Yakobo 4:6

Nzaambi kootuhaanaa bweese bubvuriri bunene, hango-nkuumbu diri dyaleele ti: "Nzaambi wutungukilaa bangaa-masiiku, ngo kasi wuhaanaa bweese kuri bakuluka".

Musamu wamubwete watina Luka 18:1

Yesu wata nkuma kuri bo, mu kubasoongo ti bayelemini kusaambila mu mpisi ntaangu, na kuhele kuholo-bito.

Mukaanda kuri bari Efeso 6:18

Mu nsaambulu dza bitsuumbu-bitsuumbu na ndoombulu, saambileenu mu ntaangu ngo ntaangu mu Mpeeve. Mu didyo, beenee naana, beenee na kifiki, loombee mu bangisi bobanso,

Musamu wamubwete watina Luka 11:43

«Kyaari kuri beenu Bafarisi, bukuri beenu lutiiri kwedzakala mu bibeendu byatete mu manzo mankutukunu, na kuri ti beeluha mamboto mu bibeendu bya bobanso.

Musamu wamubwete watina Matayi 21:22

Momanso ma luloombo beenu mu lusaambulu, bu lusiiri kanyi sa lumataambula.»

1 Tes 5:17

Saambileenu kwahele manunu.

Musamu wamubwete watina Yowane 16:24

Natee mu lumalu, beenu ka lwaloombiri kitotolo ti kimosi ko, mu nkuumbu me. Loombeenu na beenu sa lwataambula mpisi heki kiminu kyeenu kiba kyakuka.»

Musamu wamubwete watina Malako 12:38

Yesu mu nyikusulu dzaandi, wabaleelaa ti: «Seenee madyeele mu batini ba mangisi, bo batiiri kweyunga mu madzweele mamala, na be baha mamboto mu bibeendu bya bobanso.

Musamu wamubwete watina Matayi 9:38

Ngo loombee kuri ngaa-nseke, kaheeke bangaamba bakweetolo nseke yaandi.»

Musamu wamubwete watina Matayi 23:13

«Kyaari kuri beenu, batini na Bafarisi bangaa-bumpitu-bumpyoongo, bukuri beenu luri mu kukaanga mweelu Kimfumu kya mayulu kuri baatu; kuri beenu-meene lwahele kukoto, na lwahele kukotoso se batiiri kukoto.» [

Musamu wamubwete watina Matayi 23:6

Bo batiiri bibeendu bya lukiinsu mu minkeembu mya ndiilu na byatete mu manzo ma nkutukunu,

Musamu wamubwete watina Matayi 6:16

«Habaana luri kunsa loomi, lo yaa luba na kidziri kya ngebe ko, bunu bangaa-bumpitu-bumpyoongo. Bo bakitula kidziri mpisi heki bamonokono kuri baatu ti bari kunsa loomi. Ngwanwa me nyiluleele ti: bo bakootaambula museendu waaku.

Musamu wamubwete watina Matayi 6:1

«Seenee madyeele, mu kuhele kusalila nsungumunu yeenu ha busu bwa baatu, mu nzala kumonoko kuri bo. Mbuti ka bubwo ko, lo beenu lutaambula museendu ko, kuri Taayi dyeenu diri mu mayulu.

Musamu wamubwete watina Matayi 23:5

Biyiriki bya bo byobinso kwesa mukuri ti baatu babatala. Bo bakweyirika bisweekulu bya maampu byabinene bi bakwelwaata, na bakwenonono maheengu ma binkuta.

Musamu wamubwete watina Luka 6:24

«Ngo kyaari kuri beenu bisina, bukuri beenu lweki na mboondulu yeenu!