Musamu wamubwete watina Matayi 6:1 - Musamu Wamubwete 2013

¹ «Seenee madyeele, mu kuhele kusalila nsungumunu yeenu ha busu bwa baatu, mu nzala kumonoko kuri bo. Mbuti ka bubwo ko, lo beenu lutaambula museendu ko, kuri Taayi dyeenu diri mu mayulu.

Musamu wamubwete watina Matayi 6:1 Referans Kwoze

Musamu wamubwete watina Matayi 23:5

Biyiriki bya bo byobinso kwesa mukuri ti baatu babatala. Bo bakweyirika bisweekulu bya maampu byabinene bi bakwelwaata, na bakwenonono maheengu ma binkuta.

Musamu wamubwete watina Yowane 12:43

Bukuri bo babvuriri kutya munkeembu wa baatu ti na munkeembu wa Nzaambi.

Mukaanda kuri Bahebeleho 6:10

Mukwongo, Nzaambi wahele na bubayi, mu kudzimbikina kisalu kyeenu, na ntiilu yi luri lwasoongo mu nkuumbu yaandi, bu lwasariri bangisi, na bu luri mu kunamitina kubasalila.

Musamu wamubwete watina Luka 16:15

Nde waleele kuri bo ti: «Beenu lukwesoongo ha busu bwa baatu ti lwasuunguma, ngo kasi Nzaambi yaari mitima mya beenu. Mukwongo, bibyo biri baatu bamono ti byadzaangama, ha busu bwa Nzaambi biri byanyaafuna.»

Mukaanda kuri bari Ngalatya 6:12

Bobanso bari na nzala-kubila mu muswinyi, batiiri kulukwiikisa kuteende bubakala, mpisi heki bahele kuba bakwaamusu mu ntoono ya kuruwa dya Kiristo.

Musamu wamubwete watina Yowane 5:44

Habaana beenu, nkeembu kutaambula yi lukwehelesene beenu na beenu, ngo lwahele kusaka nkeembu yifumunaa kuri Nzaambi yomosi, lo dyaburi beenu lutsiisa kusa kanyi?

2 Yow 1:8

Seenee madyeele beenu-meene, mpisi heki luhele kudziimbisa bi turi twasala, ngo lutaambula mufutu wakuka.

Musamu wamubwete watina Malako 8:15

Yesu wabaha lutumu, wabaleele ti: «Luyuka! Seenee madyeele mu lufunusu lwa Bafarisi na mu lwa Erode.»

Musamu wamubwete watina Matayi 6:16

«Habaana luri kunsa loomi, lo yaa luba na kidziri kya ngebe ko, bunu bangaa-bumpitu-bumpyoongo. Bo bakitula kidziri mpisi heki bamonokono kuri baatu ti bari kunsa loomi. Ngwanwa me nyiluleele ti: bo bakootaambula museendu waaku.

Musamu wamubwete watina Matayi 16:6

Yesu waleele kuri bo ti: «Talee na seenee madyeele mu lufunusu lwa Bafarisi na Basaduki.»

Musamu wamubwete watina Luka 12:15

Yesu waleele kuri bo ti: «Taleenu na seenee madyeele mu mpisi kiteesu kya ntiki-mboongo, bukuri ti hayuku muutu waluula mu busina, lo kidziingu kya nde kyahele kukaangama mu bitotolo bi kari na byo.»

Musamu wamubwete watina Matayi 5:48

Hango beenee bayirima kwakuka, bunu buri Taayi dyeenu diri ku mayulu nde wayirima kwakuka.»

Musamu wamubwete watina Matayi 5:16

Hemesee buungi bwa beenu buseme ha busu bwa baatu, mpisi bamono biyiriki byeenu byabibwete, na bakeembese Taayi dyeenu diri mu mayulu.»

Musamu wamubwete watina Luka 11:35

Hango, sa madyeele mpisi buungi buri mu ye buhele kukituka mampimbisi.

Musamu wamubwete watina Luka 12:1

Mu mantaangu mamo, mafuunda ma baatu makutukina, mu kiteesu kiri babamosi bakwedyaata mu yulu bitaambi bya bakaka. Yesu wabeke kudzoonso dyatete kuri bayiki baandi ti: «Seenee madyeele mu ntoono lufunusu lwa Bafarisi, ngo bumpitu-bumpyoongo bwa bo.

Musamu wamubwete watina Matayi 25:40

Mbyaasi sa kabvutula, sa kaleele kuri bo ti: "Mu ngwanwa me nyiluleele ti: Mamo ma lwayirikiri kuri mosi, mu bampaangi bamaba, babvuriri buntele, lo kuri me lwayirikiri."»

Musamu wamubwete watina Matayi 5:46

Bukuri mbuti beenu kutya bani ba koolutyaana, lo nkya museendu beenu lutaambula? Buri batori ba mpaku bo se kari bunubwo bakoosaanaa ko?

Musamu wamubwete watina Matayi 23:13

«Kyaari kuri beenu, batini na Bafarisi bangaa-bumpitu-bumpyoongo, bukuri beenu luri mu kukaanga mweelu Kimfumu kya mayulu kuri baatu; kuri beenu-meene lwahele kukoto, na lwahele kukotoso se batiiri kukoto.» [

Musamu wamubwete watina Matayi 6:9

Hango beenu bumabu luyelemini kusambikila: "Taayi dyeetu diri mu mayulu, hemese nkuumbu yaaku yiduma;

Mukaanda kuri Bahebeleho 2:1

Hango-nkuumbu, beetu tuyelemini kuhololo mu bunkete bwalaka, mamo ma turi twayuka mpisi tuhele kuwumuka.

Mukaanda kuri Bahebeleho 11:26

Nde wamwiini ti, kuba wasaanu bunu Kiristo, bubwo busina bubvuriri bunene ti na busina bwa ku Ngipiti. Bukuri nde waba talilaana museendu.

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Biyiriki bya Bantumu 3:12

Petelo bu kamono wabvutula kuri baatu ti: «Baatu ba Isaheli, ha buri luri mu kukimuka mamama? Bukuri nki beenu luri mu kutala beetu, kuri bunu ti mu mpinu dza beetu-meene, bunu pe mu kinzaambi, beetu tusiiri ti muutu wu keyende?