Musamu wamubwete watina Matayi 5:12 - Musamu Wamubwete 2013

¹² Monee kiminu na keembeenu kweenu, bukuri museendu weenu wuri wamunene mu mayulu; mukwongo, bunubwo se bakwaamisini babikiri batekisiri na beenu.»

Musamu wamubwete watina Matayi 5:12 Referans Kwoze

Musamu wamubwete watina Luka 6:23

Monee kiminu mu kiluumbu kikyo, na dyeenee nkaaka, bukuri museendu weenu wamunene ku yulu. Bunubwo se bataayi ba beenu, baba yirikaana kuri babikiri.»

Mukaanda wa Yakobo 1:2

Bampaangi baami, lubaanaa lukotiri mu nsindukulu dza bitsuumbu-bitsuumbu, lo monee kiminu kyalaka,

Mukaanda kuri bari Kolosayi 3:24

bu luyaari ti, sa lwataambula kuri Mfumu museendu ngo saala. Beenee bakwesalila Mfumu Kiristo.

1 Pet 4:13

Ngo bukuri beenu luri na kikuuku mu mpasi dza Kiristo, lo monee kiminu, mpisi heki mu ntaangu yiyabakana nkeembu yaandi, beenu lutirimika mu kiminu.

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

Mukaanda kuri bari Loma 5:3

Kari bunubwo kitsu ko, ngo beetu tusiila kimweese kyeetu mu mpasi, bu tuyaari ti mpasi dzibutaa kifiki.

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Mukaanda kuri Bahebeleho 11:6

Ngo mbuti kanyi dyo pe, lo kuri muutu wubweeye kuri Nzaambi ko; bukuri wunde wukokosolo kuri Nzaambi, yelemini kutaambula ti Nzaambi wuri, na nde koohaanaa museendu kuri babo bamusakaa.

1 Tes 2:15

Bo ngo baba dzusa Mfumu Yesu na babikiri, na bakwaamisini beetu. Bahele kubweeye ha busu bwa Nzaambi, na bo ngo bataatu ba baatu bobanso.

Mukaanda kuri bari Filipo 2:17

Ngo ti hayuku makila ma me bamayitiri ha yulu kikabu kya kuha kuri Nzaambi, mu kisalu kya kanyi dya beenu, lo me nyimono kiminu, nyimono kiminu ha kimosi na beenu-banso.

2 Kol 4:17

Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

Biyiriki bya Bantumu 5:41

Hango bantumu bayende kwaaku mu kiminu ha busu bwa kikuutu, bukuri bamonikini ti bo bayelemene kubama mu ntoono nkuumbu.

Musamu wamubwete watina Matayi 6:16

«Habaana luri kunsa loomi, lo yaa luba na kidziri kya ngebe ko, bunu bangaa-bumpitu-bumpyoongo. Bo bakitula kidziri mpisi heki bamonokono kuri baatu ti bari kunsa loomi. Ngwanwa me nyiluleele ti: bo bakootaambula museendu waaku.

1 Kol 3:8

Mukuni na munyaki-maampa boboolo muutu mosi, mpisi muutu sa kataambula mufutu waandi, bunu buri kisalu kyaandi.

Musamu wamubwete watina Luka 6:35

Ngo kasi, tyeeneenu bataatu beenu, yirikeenu mamabwe na soomboseenu kwahele kitsimi kiri ti balubvutikila. Museendu weenu sa kaba wamunene, na sa lwaba baala ba Mwa-yulu, bukuri nde wuri na mutima-bubwete, kuri bari bayaari kutoondo ko, na kuri bangaa-mutima-bubi.

Biyiriki bya Bantumu 16:25

Mu kakati dya butsuku, Pawulo bo na Sila baba saambilaana na baba yimbilaana mu kudumusa Nzaambi, na baba mu boroko bakaka baba baywiilaana.

Musamu wamubwete watina Luka 13:34

Yerusalemi, Yerusalemi, ye wudzusaa babikiri, na wudzusila mu matari babo babaheeke kuri ye. Mantaangu makwe me nyaba nyatya kwaandi kukutukisa baala ba ye, bunu bu fukaa nguri nsusu baala baandi kunsa mapaapu, ngo kasi beenu lusii tya ko.

Mukaanda kuri Bahebeleho 11:26

Nde wamwiini ti, kuba wasaanu bunu Kiristo, bubwo busina bubvuriri bunene ti na busina bwa ku Ngipiti. Bukuri nde waba talilaana museendu.

Mukaanda kuri bari Filipo 1:29

Bukuri beenu baluha bweese mu ntoono Kiristo, kari munu mu kusiila kanyi mu nde ko, ngo na mu kumono mpasi se mu ntoono nde,

Mukaanda kuri Bahebeleho 10:34

Mukwongo, beenu lwakabula mpasi dza babo baba mu boroko, na beenu lwataambula mu kiminu, ti baluhosono na bitotolo byeenu, bu lwaba luyaari kuri ti luri na busina bubvuriri bubwete, na buri bwawaana ko.

Mukaanda kuri Bahebeleho 11:33

bo bari mu kanyi, babwiisa bimfumu, basalila nsungumunu, bataambula bi babasiiriri nsiilulu, bakaanga minwa mya bankosi,

Mukaanda wa Yakobo 5:10

Bampaangi, holeenu kifwaani mu mpasi na mu nkindusulu-mutima ya babikiri badzoonsiri mu nkuumbu ya Mfumu.