Musamu wamubwete watina Matayi 26:11 - Musamu Wamubwete 2013

¹¹ Mukwongo, mu mantaangu momanso, beenu luri kintwaari na bawelu, ngo kasi beenu lwahele kuba kintwaari na me mu mantaangu momanso.

Musamu wamubwete watina Matayi 26:11 Referans Kwoze

Musamu wamubwete watina Malako 14:7

Mukwongo, mu mantaangu momanso, beenu luri kintwaari na bawelu. Habaanaa lutiiri, lo lubayirikiri mamabwete; ngo kasi beenu lwahele kuba kintwaari na me mu mantaangu momanso.

Musamu wamubwete watina Yowane 12:8

Mukwongo, mu mantaangu momanso beenu luri kintwaari na bawelu; ngo kasi, beenu lwahele kuba kintwaari na me, mu mantaangu momanso.»

Musamu wamubwete watina Yowane 16:28

Me nyapalila mu Taata, na nyayisa ha nsi; me nyeki bweese kuyisika ha nsi, na kweende kuri Taata.»

Musamu wamubwete watina Yowane 16:5

Mu lumalu, me nyeki mu kweende kuri wunde wampeekiri, na kuri ti mosi mu beenu ko wufuula me ti: "Kuri wuri mu kweende?"

Musamu wamubwete watina Yowane 14:19

Mwaa-ntaangu yantele yisiiri, na nsi ka yibweese kumono me se; ngo kasi beenu sa lwamono me, bukuri me nyiri mwooyo, na beenu se sa lwaba mwooyo.

Musamu wamubwete watina Yowane 13:33

Mwaa-baala, me nyakiri na beenu mu mwaa-ntaangu yantele. Beenu sa lwasaka me, ngo bunu bu nyabee leele kuri Bayudayo ti, ku nyikweende me, beenu lubangusina kwiisa ko; kuri beenu se bunubwo nyileele mu lumalu.

Biyiriki bya Bantumu 3:21

Nde yulu kabweese kutaambula, natee ntaangu yi babweese kuyirika byobinso byamoono, bwa dzoonsiri Nzaambi mu minwa mya babikiri baandi bangisi, kuholosono mantaangu mahele kuwa.

Musamu wamubwete watina Yowane 17:11

Me nyahele bweese kuba mu nsi, ngo bo bari mu nsi, na me nyiri mu kwiisa kuri ye. Taata dyangisi, kebe bo mu mpinu dza nkuumbu yaaku, yi wuri wampa, mpisi baba mosi, bunu beetu na ye turi mosi.

Musamu wamubwete watina Matayi 28:20

mu kubayikisa kukebe momanso ma nyabee lutumana. Na mono, me nyiri kintwaari na beenu, mu biluumbu byobinso, natee ku manunu ntaangu.»

Musamu wamubwete watina Matayi 18:20

Bukuri haho ha kutukini boolo bunu pe batatu, mu nkuumbu yaami, lo me nyiri ha kakati dya bo.»

1 Yow 3:17

Mpisi wunde wuri na lubaku lwa nsi, na mwiini mpaangi yaandi watikila, ngo kaangiri mutima, lo dyaburi ntiilu ya Nzaambi yitsiitsa kuba mu nde?

Mukaanda kuri bari Ngalatya 2:10

Ngo kasi, kunu kuloombo batuloombo ti tubambukila bawelu mwooyo. Dyaambu didyo, me se nyaba nyasiila mutima, mu kudiyirika.

Musamu wamubwete watina Matayi 26:10

Yesu bu kayaaba, waleele kuri bo ti: «Mu nki ntoono beenu luri mu kubamisa mukyeetu wu? Mukwongo, kiyiriki kyakibwete nde kayirikiri mu me.