Musamu wamubwete watina Matayi 24:7 - Musamu Wamubwete 2013

⁷ Mukwongo, mansi na mansi sa manwaana, na bimfumu na bimfumu sa byanwaana; sa kwaba nzala, na butoto sa yatembele mu mampele malaka;

Musamu wamubwete watina Matayi 24:7 Referans Kwoze

Musamu wamubwete watina Luka 21:11

Butoto sa bwatembele kwalaka, na mu mampele malaka sa mwaba manzala na biyoolo, sa kwaba misamu myansisi, na bidiimbu byabinene bifumuna ku yulu.

Nyabusulu ya Yowane 6:8

Me nyamono kavaalu dya ntiinta ya maampa ma nsaka. Wunde waba wadzakala ha yulu dyo nkuumbu yaandi lufwa, na nsi ya bafwa yaba kwemunama. Baha kuri bo lutumu mu kibari kimosi, mu bibari bina bya butoto, mpisi badzusila baatu mu mbeesi yayila, mu nzala, mu lufwa na mu bibulu byansisi biri ha butoto.

Biyiriki bya Bantumu 11:28

Angabo, mosi mu bo, bu kateleme, wayaabisa mu Mpeeve ti, sa kwaba nzala yayinene mu nsi yoyinso, na yamonoko mu ntaangu ya Kolodyo.

Nyabusulu ya Yowane 6:12

Ha kaba dzibula kinyemu kyabisaamunu, me nyamono, butoto bwaningina mu makwa; ntaangu yaba yeki yapiinda bunu nsaanda yapiipi; na ngoondo yoyinso yaba yeki bunu makila.

Mukaanda kuri Bahebeleho 12:27

Ntoono yiri ti: «Nde wubweese kuteembese lukimi», yisoongo kuri ti, bitotolo bi bayirikiri sa byanyingina na kukituka, mpisi heki bibyo biri byanyingina ko binamitina kuba.

Biyiriki bya Bantumu 2:19

Me sa nyayirika bimaangu ku yulu, na bidiimbu ha butoto: sa kwaba makila, mbaawu na matuti ma mwiisi.

Nyabusulu ya Yowane 6:5

Ha kaba dzibula kinyemu kyabitatu, me nyayuka kibulu kyabitatu kileele ti: «Wasa!» Me nyamono kavaalu dyapiinda. Wunde waba wadzakala ha yulu dyo, waba na kipeesulu ha kooko kwaandi.

Nyabusulu ya Yowane 6:6

Me nyayuka bunu mbeembu, yaba palilaa ha kakati dya bibulu byobina yaleele ti: «Mutooto masaangu nkama mipata, mitooto mitatu mya bwaangala nkama mipata; ngo mu mitariri maasi na malu yaa wubibibiiyisa ko.»