Musamu wamubwete watina Matayi 19:9 - Musamu Wamubwete 2013

⁹ Ngo me nyiluleele ti: Mpisi wunde wubinga mukasi waandi, mbuti ka kuri wabwa mu mvuutunu yadika ko, ngo kweeriri mukyeetu mukimi, lo nde teeri kimpala.»

Musamu wamubwete watina Matayi 19:9 Referans Kwoze

Musamu wamubwete watina Matayi 5:32

Ngo me nyiluleele ti: mpisi wunde wubinga mukasi waandi, mbuti ka kuri wabwa mu mvuutunu yadika ko, lo nde wumusinda mu kuta kimpala; na mbuti muutu kweeriri mukyeetu wu bamwaabinga, lo nde teeri kimpala.»

Musamu wamubwete watina Luka 16:18

«Mpisi bakala dibinga mukasi waandi, na kweeriri mukimi, lo nde teeri kimpala. Na wunde wukweele mukyeetu wuri mulumi mwaamubinga, lo teeri kimpala.»

1 Kol 7:39

Mukyeetu wakaangama mu mulumi waandi, mu ntaangu yoyinso yiri mulumi wuri wamwooyo; ngo mbuti mulumi fwiiri, lo mukyeetu bakiri bunsaalisi mu kukweele wu katiiri, ngo kakweele wunu wuri mu Mfumu.

1 Kol 5:1

Bari mu kweleele ti, ha kakati dya beenu kuri buyala; buyala buri, ti ha kakati dya bangooyi kwahele mya bubwo; kuri lo muutu wakitula mukasi taayi weki mukasi nde.

1 Kol 7:4

Mukasi kari na lutumu mu nyutu ya nde-meene ko, ngo mulumi; bwobumosi se, mulumi kari na lutumu mu nyutu ya nde-meene ko, ngo mukasi.

Musamu wamubwete watina Matayi 19:8

Yesu wabvutula kuri bo ti: «Mu ntoono nkubulu mitima myeenu, ngo Moose kaluheeri miswa mya kubinga bakasi beenu; kunu mbandukulu kwaba kahele bubwo.

Musamu wamubwete watina Matayi 19:10

Bayiki [byaandi] baleele kuri Yesu ti: «Mbuti mbeelu ya bakala na mukyeetu bubwo yiri, lo kwahele ndaandu mu kukweele.»