Musamu wamubwete watina Matayi 18:3 - Musamu Wamubwete 2013

³ na waleele ti: «Mu ngwanwa me nyiluleeriri, mbuti beenu luyiingiri ko, na lukitukiri bunu mwaa-baala bantele ko, lo beenu lukoto mu Kimfumu kya mayulu ko.

Musamu wamubwete watina Matayi 18:3 Referans Kwoze

1 Pet 2:2

Bunu mwaa-baala bansoombo, dilileenu beene dyadibwete, dya maampu ma Nzaambi, mpisi heki mu nde beenu lubuuka mu kubaka mvuukulu,

Musamu wamubwete watina Matayi 19:14

Ngo Yesu waleele: «Hemeseenu mwaa-baala, yaa lubakakikila mu kwiisa kuri me ko, bukuri Kimfumu kya mayulu kiri kya bari bunu bo.»

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.

Musamu wamubwete watina Yowane 3:5

Yesu wabvutula ti: «Ngwanwa mu ngwanwa, me nyikuleele ti, mbuti muutu wahele kubutuka mu maampa na mu Mpeeve, lo kabangusina kukoto mu Kimfumu kya Nzaambi ko.

Musamu wamubwete watina Yowane 3:3

Yesu wabvutula na waleele kuri nde ti: «Ngwanwa mu ngwanwa, me nyikuleele ti, mbuti muutu wahele kubutuka mbutukulu yamoono, lo kabangusina kumono Kimfumu kya Nzaambi ko»

Musamu wamubwete watina Luka 13:24

«Nwanikinee mu kukoto mu mweelu wasweeteme, bukuri me nyiluleele ti, balaka sa basaka kukoto, ngo ka babangusina ko.»

Biyiriki bya Bantumu 3:19

Hango, yiingeenu madyeele na seenee kanyi, mpisi heki masumu ma beenu maba mayaalu,

Biyiriki bya Bantumu 28:27

Bukuri mutima kaanda di weki wakuba; bari na mpasi mu kuyuka mu makutu, bakaangiryee miisu myaaku, mpisi bahele kumono mu miisu, na bahele kuyuka mu makutu, na bahele kubakula mu mutima, na bahele kuyiinga madyeele, kuri me nyibatsinikisa."

Musamu wamubwete watina Yowane 1:51

Yesu waleele kuri bo ti: «Mu ngwanwa mu ngwanwa, me nyiluleele, beenu sa lwamono yulu dyadzibulu, na bambasi ba Nzaambi batoomboko na bakulumuka ha yulu Mwaana muutu!»

Musamu wamubwete watina Matayi 5:20

Mukwongo, me nyiluleele ti: mbuti nsungumunu yeenu yahele kubvula ti na ya batini ba mangisi na Bafarisi, lo beenu luri nkotulu mu Kimfumu kya ma mayulu ko.»

Musamu wamubwete watina Luka 22:32

Ngo me nsambirye mu ye, mpisi heki kanyi dya ye dihele kubwa; ngo ye bu wubweese kubvutuka, lo kumisa bampaangi baaku.»

Musamu wamubwete watina Malako 4:12

mpisi heki diba, "Kutala ngo kuri batala, ngo bahele kumono; kuyuka ngo kuri bayuka, ngo kasi bahele kubakula, mu kubata kuri ti bayiinga dyeele, na bataambula mpemisi."»

2 Pet 1:11

Mukwongo, mu bubwo, nkotulu mu Kimfumu kyahele manunu, kya Mfumu na Mubvuukisi weetu Yesu Kiristo, yiba yaha kuri beenu mu bunsaalisi.

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

Musamu wamubwete watina Matayi 19:23

Yesu waleele kuri bayiki byaandi ti: «Mu ngwanwa me nyiluleeriri dyo; diri dya mpasi kuri wa kisina mu kukoto mu Kimfumu kya mayulu.

Musamu wamubwete watina Matayi 13:15

Mukwongo mutima kaanda dimadi wayeki wakuba; bo bayeki bakiindisa makutu maaku, na bayeki bakaanga miisu myaaku, mu kubata ti bee bamwiini mu miisu, bee bayukiri mu makutu maaku, na kubata ti bee babakuri mu mutima, na kuyiinga madyeele; na ti me bee nyibatsinikisi."

Musamu wamubwete watina Matayi 6:16

«Habaana luri kunsa loomi, lo yaa luba na kidziri kya ngebe ko, bunu bangaa-bumpitu-bumpyoongo. Bo bakitula kidziri mpisi heki bamonokono kuri baatu ti bari kunsa loomi. Ngwanwa me nyiluleele ti: bo bakootaambula museendu waaku.

Musamu wamubwete watina Matayi 6:5

«Habaanaa lusaambila, lo yaa luba bunu bangaa-bumpitu-bumpyoongo ko, bukuri bo batiiri kwesaambila mu mutele, mu manzo mankutukunu na mu makuumbu ma manzila, mpisi baatu beebamono. Mu ngwanwa me nyiluleele ti: bo bakootaambula museendu waaku.

Musamu wamubwete watina Matayi 6:2

Habaanaa wuha kikabu kuri bawelu, lo yaa sika mvumvuri ko ha busu bwa ye, bu koosaana bangaa-bumpitu-bumpyoongo, mu manzo mankutukunu, na mu manzila, mpisi baatu babasiika. Ngwanwa me nyiluleele ti: bo bakootaambula museendu waaku.

Musamu wamubwete watina Matayi 5:18

Mu ngwanwa me nyiluleele, natee buluta yulu na butoto, lo ti kisoni kiri nkuumbu i, bunu pe ti mpita mosi yiyaaluka mu mangisi ko, natee momanso mayirimini.

Musamu wamubwete watina Matayi 18:2

Bu kateele mwaa-mwaana, wamusuusa ha kakati dya bo,

Musamu wamubwete watina Matayi 18:4

Hango, mpisi wunde wukuluka nde-meene bunu mwaa-mwaana wu, lo wunde ngo wubvuriri bukuutu mu Kimfumu kya mayulu.