Musamu wamubwete watina Matayi 15:12 - Musamu Wamubwete 2013

¹² Hango, bayiki bakokosolo na bamuleele ti: «Buri ye yaari ti Bafarisi bu bayukiri maampu mamo, babuminyee makya?»

Musamu wamubwete watina Matayi 15:12 Referans Kwoze

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

Mukaanda kuri bari Ngalatya 2:5

ngo kasi kuri bo, ti mu kilookolo kimosi, beetu twasii kubaheele nyutu ko, mpisi heki ngwanwa ya Musamu Wamubwete yisa kikuundi kuri beenu.

2 Kol 6:3

Beetu twahele kubumisa muutu makya mu ntoono ti mosi, mpisi heki kisalu kihele kuba kyasaanu.

Musamu wamubwete watina Matayi 17:27

Ngo mu kuhele kubabumisa baatu makya, yende tuba lobo mu mubu. Holo nsu yatete yitoomboko, dzibula munwa waandi, sa mono mboongo. Holo dzo, na yende baha, mu ntoono ye na me.»

Musamu wamubwete watina Matayi 11:6

Kiminu kuri wunde wuhele kubumina makya mu me.»

Musamu wamubwete watina Matayi 15:11

Kari bikookotaa mu munwa bisumunaa muutu ko; ngo bibyo bipalaa mu munwa bisumunaa muutu.»

Musamu wamubwete watina Matayi 15:13

Yesu wabvutula waleele kuri bo ti: «Mpisi muti, wuri kari Taayi dyaami dya ku yulu wakuna ko, sa kaba watuubula.