Musamu wamubwete watina Luka 9:60 - Musamu Wamubwete 2013

⁶⁰ Nde wamuleele ti: «Hemese bafwa bedziika bafwa baaku bo-meene. Ye ngo wuri, yende weyaabisa Kimfumu kya Nzaambi.»

Musamu wamubwete watina Luka 9:60 Referans Kwoze

1 Tim 5:6

Ngo kasi, mufwiiri wuri na kidziingu kya minkeembu, lo wafwa ti hayuku wuri mwooyo.

Nyabusulu ya Yowane 3:1

Tina kuri mbasi ya dibuundu dya Saredeyi: «Wakwaata mampeeve nsaamu ma Nzaambi, na bambwetete nsaamu, bu kari mu kuleele: me nyaari biyiriki bya ye, wuri na mvuumfu ti wuri mwooyo, ngo kasi ye wafwa.

2 Tim 4:5

Ngo ye, ba wasoongolo mu myominso, kuunda mpasi, sa kisalu kya budingisi, kukisa kisalu kyaaku.

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

Musamu wamubwete watina Luka 15:32

Bu bee bwayelemene mu kusa munkeembu na kumono kiminu, bukuri mpaangi ye yi wabee wafwa na bweesiri kuba wamwooyo; wabee wadziimbila ngo bweesiri kumonoko!"»

Mukaanda kuri bari Efeso 2:5

bu twaba twafwa mu lumvuki, nde watuha mwooyo mu Kiristo. Mu bweese beenu luri lwabvuukila.

Mukaanda kuri bari Efeso 2:1

Beenu lwaba lwafwa mu ntoono lumvuki lweenu, na mu masumu meenu,

1 Kol 9:16

Mukwongo, mbuti me nyikweyaabisa Musamu Wamubwete, lo yiri ntoono ya kimweese kuri me ko, bukuri me nyabiinduma mu mamo; ngo kyaari kuri me, mbuti nyahele kuyaabisa Musamu Wamubwete.

Musamu wamubwete watina Matayi 4:23

Tumi Yesu wayende mu Ngalili yoyinso, mu kweyikisa munsa manzo ma nkutukunu ma bo, na kweyaabisa Musamu Wamubwete wa Kimfumu, na kwetsinikisa mabeeru momanso, na bipfuumi byobinso bya baatu.

Musamu wamubwete watina Matayi 8:22

Yesu wabvutula kuri nde ti: «Nama me. Hemese bafwa bedziika bafwa baaku bo-meene.»

Musamu wamubwete watina Luka 15:24

bukuri mwaana me wumawu, wabee wafwa, ngo bweesiri kuba wamwooyo, wabeeri wadziimbila, ngo bweesiri kumonoko." Bo babeke kukeembe.»