Musamu wamubwete watina Luka 9:44 - Musamu Wamubwete 2013

⁴⁴ «Yirikee kuyuka maampu mamama: Mwaana muutu weki ba wayekulu mu myooko mya baatu.»

Musamu wamubwete watina Luka 9:44 Referans Kwoze

Biyiriki bya Bantumu 2:23

Muutu wunde, bunu bwaba nzeengulu na nyaabulu ya Nzaambi, wayekulu mu myooko mya bahele na mangisi, bamudzusa mu kumukomono ha kuruwa.

Musamu wamubwete watina Luka 9:22

Nde wabweese kuleele ti: «Mwaana muutu yelemini kumono mpasi dzalaka, bakulu ba babakala, bakuutu ba bangaanga-nzaambi na batini ba mangisi sa bamuyekele, na kumudzusa, tumi mu kiluumbu kyabitatu kafuluka.»

Mukaanda kuri Bahebeleho 2:1

Hango-nkuumbu, beetu tuyelemini kuhololo mu bunkete bwalaka, mamo ma turi twayuka mpisi tuhele kuwumuka.

Musamu wamubwete watina Luka 2:19

Mariya ngo wuri, waba kebaa misamu myominso mimyo, na kwemitsima kunsa mutima waandi.

Musamu wamubwete watina Yowane 19:11

Yesu wabvutula [kuri nde] ti: «Ye wuri na lutumu ti lumosi ha yulu me ko, mbuti bahele kukuha lwo ku mayulu. Hango nkuumbu, wunde wuyekiri me kuri ye, wuri na sumu dibvuriri bunene.»

Musamu wamubwete watina Yowane 16:4

Ngo nyiluleeriri mamo, mpisi heki ha tubuka ntaangu yiyo, beenu lubaambukila dyo mwooyo, ti me nyaluleeriri.» «Me nyasii kululeele dyo ha mbandukulu ko, bukuri me nyabeeri nyakiri na beenu.

Musamu wamubwete watina Luka 24:44

Tumi wabaleele ti: «Mamama ngo maampu ma nyabee luleelaana, mu ntaangu yi nyabee nyakiri na beenu ti: "Myominso myatinu mu ntoono ya me, mu mangisi ma Moose, na mu babikiri natee mu mikuunga, miyelemini kweende mu mana.»

Musamu wamubwete watina Luka 18:31

Yesu, kaholaa bo kuumi na boolo, wabaleele ti: «Mono, tweki toombokeenu ku Yerusalemi, na momanso matinini babikiri mu ntoono Mwaana muutu, sa meende mu mana.

Musamu wamubwete watina Luka 2:51

Tumi nde, ha kakulumuka na bo, na wayende ku Nadzareti. Nde waba watumuma kuri bo. Na nguri yaandi waba kwekebaa misamu myominso mimyo kunsa mutima waandi.

Musamu wamubwete watina Luka 1:66

Bobanso bayukiri misamu mimyo, bamikebe kunsa mitima myaaku, na baleele ti: «Mwaana wu na kaba?» Mukwongo, kooko kwa Mfumu kwaba ha yulu nde.

Musamu wamubwete watina Malako 9:31

Mukwongo, nde wayikisa bayiki baandi, wabaleele ti: «Mwaana muutu weki wayekulu mu myooko mya baatu, bo sa bamudzusa; bu bamudzusiri, biluumbu bitatu bilutaana, nde sa kafuluka.»

Musamu wamubwete watina Malako 8:31

Yesu wabaandika mu kubayikisa ti: «Mwaana muutu yelemini kumono mpasi dzalaka; bakulu ba babakala, bakuutu ba bangaanga-nzaambi na batini ba mangisi sa bamuyekele, na kumudzusa; na ha mambisa ma biluumbu bitatu, tumi kafuluka.»

Musamu wamubwete watina Matayi 26:2

«Beenu luyaari ti, biluumbu byoolo bisiri lo Paaka ditubukiri, na Mwaana muutu bee bamuyekiri mpisi kaba wakomono ha kuruwa.»

Musamu wamubwete watina Matayi 16:21

Kuholosono ntaangu yiyo, Yesu wabaandika mu kweyaabisa kuri bayiki baandi ti, nde yelemini kutoomboko ku Yerusalemi, na kumono mpasi dzalaka mu myooko mya bakulu ba babakala, bakuutu ba bangaanga-nzaambi na batini ba mangisi, yelemini kuba wadzusu, na mu kiluumbu kyabitatu, yelemini kuba wafuluka.

Musamu wamubwete watina Yowane 16:31

Yesu wabvutula kuri bo ti: «Hango ha lweki sa kanyi?