Musamu wamubwete watina Luka 8:47 - Musamu Wamubwete 2013

⁴⁷ Mukyeetu kamonaa ti bamuyaabiri, wayisa kuri wukwetekete, wabwa ha busu bwa Yesu, waleele ha busu bwa baatu bobanso, mu nkya ntoono nde kamubeleminye, na dyaburi nde katsiinikini ha nsi na nsi.

Musamu wamubwete watina Luka 8:47 Referans Kwoze

Musamu wamubwete watina Malako 5:33

Wa mukyeetu, bu kaba kayaaba mamo ma kabwanikini na mo, wayende, wabwa ha busu bwa Yesu, mu boomo na mantekete, na wamuleele ngwanwa yoyinso.

2 Kol 7:15

Nde wuri na musoongo walaka mu beenu, mbiki ti ha kabaambuka nde mwooyo mu kutumuma kwa beenu-banso, na bu lwasiiri mu kumutaambula mu kibvumi na mu ntekutulu.

Mukaanda kuri Bahebeleho 12:28

Ngo bukuri sa twataambula kimfumu kiri kyaningina ko; tubvutulee matoondo na tusalilee Nzaambi bwayelemene, kunsa kinzaambi na mu kibvumi.

1 Kol 2:3

Na ha busu bwa beenu, me nyaba na buyonsi, na boomo, na mantekete.

Biyiriki bya Bantumu 16:29

Mukebi boroko bu kaloombo buungi, nde wabingukila na kinkuuka kyokinso, wabwa ha miilu mya Pawulo bo na Sila.

Mukaanda kuri bari Filipo 2:12

Mu didyo, banduku baami ba mutima, bunu bu lukootumumaa mu mpisi ntaangu, kari hani ha busu bwa me ko, ngo mu lumalu, bvulee kutumuma, me bu nyiri nde pe. Salilee mu kibvumi na mu ntekutulu, mu kubaka mvuukulu ya beenu-meene,

Musamu wamubwete watina Matayi 28:8

Bu basasika mu mawasu na mampeembe, ku boomo ku kiminu kyalaka, badzumuna mu kweyaabisa bayiki baandi.

Musamu wamubwete watina Luka 8:46

Ngo Yesu waleele ti: «Muutu belemini me, bukuri me nyaabiri ti mpinu dzipariri mu me.»

Musamu wamubwete watina Luka 8:48

Yesu waleele kuri nde ti: «Mwaana me wa mukyeetu, kanyi dyaaku dikubvuukisiri. Yende mu kiyeengi.»