Musamu wamubwete watina Luka 8:43 - Musamu Wamubwete 2013

⁴³ Haho, mukyeetu mosi waba kwepalaana makila mu kiteesu kya mibvu kuumi na myoolo, nde wamana lubaku lwaandi lwolunso mu myooko mya bangaanga, ngo ti mosi yasii bangusina kumutsiinikisa ko.

Musamu wamubwete watina Luka 8:43 Referans Kwoze

Musamu wamubwete watina Luka 13:16

Ngo mwaana Abalaami wa mukyeetu wumawu, wuri Satana wabee wamukaanga bikonyi, mu mibvu kuumi na mpoomo, buri habee lo kumunyaanguna pe mu kiluumbu kya mpuumunu?»

Musamu wamubwete watina Yowane 9:1

Bu kaba luta mu nzila, Yesu wamono muutu wuri, bu kaba butuka miisu myafwa.

Musamu wamubwete watina Luka 13:11

Mono, munumwo mwaba mukyeetu mosi, wuri kipilu kya mibvu kuumi na mpoomo, waba na mpeeve yamusa kipfuumi, kuri nde wakoromo na wahele kubangisina kusuunguma.

Musamu wamubwete watina Luka 8:27

Bu kasunduka ha nsi, muutu mosi waba na mampeeve mamabi, wayisa mu kumubwaana. Kuholosono na kidzika, nde waba wahele kwelwaata binkuta. Nde kaba dzakalaana munsa nzo ko, ngo kunsa mampeembe.

Biyiriki bya Bantumu 4:22

Muutu wunde, wabakiri butsiina mu kimaangu kikyo, waba waluta mamvula makuumi mana.

Biyiriki bya Bantumu 3:2

Mu mpisi kiluumbu, baatu baba nataana mubakala mosi, wabutuka kikata, na baba musuusaana, ha mweelu Nzo-nzaambi, wubateelaa ti «Wamubwe», mu kuloombo lubakusu kuri baba kotaana mu Nzo-nzaambi.

Musamu wamubwete watina Yowane 9:21

Ngo mu lumalu, buri kekimono? Haho ngo hari twahele kuyaaba! Bunu pe ti na wumudzibiryee miisu? Haho se beetu twahele kuyaaba, fuulee nde-meene, nde weki wabuuka, sa kadzoonso nde-meene.»

Musamu wamubwete watina Malako 9:18

Mbuti Mpeeve yiyo yimwaamubaka, lo yimutubiri ha nsi, lo fulu dipala mu munwa, wukweete miinu na nyutu yikaangama. Me ndeerirye kuri bayiki ba ye, mpisi babinga mpeeve yiyo, ngo bahele kubangisina.»

Musamu wamubwete watina Malako 12:44

bukuri bobanso batubiri byayu-yulu. Kasi kunsa buwelu bwaandi, nde tubiri byobinso bi kabee na byo, bya kidziingu kyaandi.»

Musamu wamubwete watina Luka 8:42

bukuri mwaana ndemosi, wu kaba na nde wa mukyeetu, wa mvula kampe kuumi na dzoolo, waba weki mu kufwa. Yesu bu kaba mu kwekwese, mampuumbu bamusiila mfina.

Musamu wamubwete watina Luka 8:44

Bu kakokosolo ku mambisa, nde wabelemene heengu dya kiyuungu kya Yesu, na ha nsi na nsi, mbeeru makila kupala yawa.