Musamu wamubwete watina Luka 7:6 - Musamu Wamubwete 2013

⁶ Yesu ha kayende kintwaari na bo. Yesu kabaanaa weki bebele na nzo, mukuutu nkama bayongolo waheeke banduku baandi mu kuleele kuri Yesu ti: «Mfumu, yaa wiisa kwaandi ko, bukuri me nyahele kukuka mu kuri ti ye koto mu nzo yaami.

Musamu wamubwete watina Luka 7:6 Referans Kwoze

Mukaanda wa Yakobo 4:6

Nzaambi kootuhaanaa bweese bubvuriri bunene, hango-nkuumbu diri dyaleele ti: "Nzaambi wutungukilaa bangaa-masiiku, ngo kasi wuhaanaa bweese kuri bakuluka".

Musamu wamubwete watina Malako 5:24

Yesu wayende kintwaari na nde. Mpuumbu baatu yayinene yamunama na bamusiila mfina.

Musamu wamubwete watina Luka 8:49

Yesu bu kaba wakiri mu kudzoonso, muutu mosi wafumuna ku nzo mukuutu nzo-nkutukunu, waleele ti: «Mwaana ye mwaafwa, yaa bweese kukwaamisa kwaandi muyikisi ko.»

Mukaanda wa Yakobo 4:10

Kulukeenu ha busu bwa Mfumu, na nde sa kaludzaangisa.

Biyiriki bya Bantumu 10:38

Dyaburi Nzaambi kalwiikirye Yesu wa ku Nadzareti Mpeeve Yangisi na mu mpinu. Nde wabee kwelutaana mu kweyirika mamabwe na kwetsinikisa bobanso babeeri kunsa nkwamusunu dza dyabulu, bukuri Nzaambi wabeeri na nde.

Musamu wamubwete watina Luka 5:8

Simoni Petelo, bu kamono bubwo, watsuka maboongo ha nsi ha busu bwa Yesu, na waleele ti: «Mfumu, sasika kwaaku la na me, bukuri me nyiri muutu ngaa-masumu.»

Musamu wamubwete watina Matayi 20:28

Bwobumosi mu Mwaana muutu wahele kwiisa mu kuri ti bamusalila, ngo mu kusalila na kuha kidziingu kyaandi, bunu kikori mu balaka.»

Musamu wamubwete watina Matayi 3:11

Me nyilubotoko mu maampa mu ntoono nyiingulu madyeele; ngo wunde wukwiisa ku mambisa ma me, bvuriri makwa na me, me nyahele kukuka mu kusyonono masapaatu ma nde. Nde sa kalubotoko mu Mpeeve Yangisi na mu mbaawu.

Musamu wamubwete watina Luka 7:4

Bo bu batubuka kuri Yesu, bamuyingukila nkati mu kifiki na baleele ti: «Muutu wu wayelemene mu kuri ti ye muyirikila mamo;

Musamu wamubwete watina Luka 7:5

bukuri nde tiiri kaanda dyeetu, na watutuungula se na nzo-nkutukunu.»

Musamu wamubwete watina Luka 7:7

Mu didyo, me mwiinyee ti nyahele kuyelemene mu kwiisa me-meene ku wuri ye. Ngo leele kwaandi ntoono mosi, lo kisari kya me bwee kitsiinikini.