Musamu wamubwete watina Luka 6:40 - Musamu Wamubwete 2013

⁴⁰ Kuri muyiki wubvuriri na muyikisi ko, ngo mpisi muyiki wayika kwakubwe sa kaba bunu muyikisi waandi.

Musamu wamubwete watina Luka 6:40 Referans Kwoze

Musamu wamubwete watina Yowane 13:16

Ngwanwa mu ngwanwa, me nyiluleele ti: kisari wahele kubvula bukuutu na mfumu yaandi, wu bari baheeke se wahele kubvula bukuutu na wunde wamuheeke.

Musamu wamubwete watina Yowane 15:20

Baambukeenu mwooyo mu maampu ma nyaluleeriri: "Kisari wahele kulutila bunene ti na mfumu yaandi." Mbuti bo bakwaamisini me, lo beenu se sa balukwaamisa; mbuti bakebiri maampu ma me, lo sa bakebe se na ma beenu.

Musamu wamubwete watina Matayi 23:15

«Kyaari kuri beenu, batini na Bafarisi, bangaa-bumpitu-bumpyoongo, bukuri lukwesa budyeengi mu mubu na ha butoto mu kubaka muutu mosi wuyiinga dyeele; ngo bu lumubakiri lumukituri mwaana munyeenge mbaawu, walutila beenu mu biteesu byoolo.»

Musamu wamubwete watina Luka 6:41

Buri ye wumono kisesengu kiri mu diisu dya mbaasi yaaku, ngo wahele kumono mubaangu wuri mu diisu dya ye-meene?