Musamu wamubwete watina Luka 6:29 - Musamu Wamubwete 2013

²⁹ Mbuti muutu wukuleti mbata ha tama, lo taamba se dyakaka, na mbuti wukudzikiri na kiyuungu kyaaku, lo muhemese kaholo se na kinkuta kya mu ntulu.

Musamu wamubwete watina Luka 6:29 Referans Kwoze

Mukaanda kuri Bahebeleho 10:34

Mukwongo, beenu lwakabula mpasi dza babo baba mu boroko, na beenu lwataambula mu kiminu, ti baluhosono na bitotolo byeenu, bu lwaba luyaari kuri ti luri na busina bubvuriri bubwete, na buri bwawaana ko.

2 Kol 11:20

Mukwongo, mbuti muutu wulusiiri bunkutu, mbuti muutu wuludiila manene, mbuti muutu horiri bi luri na byo, mbuti muutu wubilika mu beenu, na mbuti muutu wululeti ku busu, lo beenu lukuunda momanso mamo.

1 Kol 6:7

Mukwongo, lubaanaa lweki na miyalu beenu na beenu, lo yiyo mbwiilulu beenu yoyinso. Buri beenu luri, misamu mya bubayi kwekuunda pe? Buri luri kuhemene pe baluholo na byobinso bi luri na byo?

Musamu wamubwete watina Yowane 18:22

Yesu kaleelaa bubwo, mosi mu bisari wakokosolo, wamulata mbata, waleele ti: «Bubwo ye wuha mvutu kuri mukuutu bangaanga-nzaambi?»

Musamu wamubwete watina Matayi 26:67

Bo bamufulula mante ku busu bwaandi, na bamulata mambata, bakaka bamusyaala mboto,

1 Kol 4:11

Natee mu kilookolo kimaki, beetu tukwefwa nzala na mpwiisu, turi mpene, bakwetulata, tukweyiima,

Musamu wamubwete watina Luka 22:64

Bu bamufuka nsaanda ku busu, bamufuula, baleele ti: «Bikula, leele na wukuleti?»

Biyiriki bya Bantumu 23:2

Mukuutu ngaanga-nzaambi, Ananya, watuma kuri baba haho, mu kumulata mu munwa.

Musamu wamubwete watina Luka 6:30

Mpisi wukuloombiri kitotolo, lo muha kyo. Na mbuti muutu wukudzikiri na bitotolo byaaku, lo yaa muloombo byo ko.