Musamu wamubwete watina Luka 6:21 - Musamu Wamubwete 2013

²¹ Kiminu kuri bari na nzala mu lumalu, bukuri sa lwayukuta. Kiminu kuri bari mu kudila mu lumalu, bukuri sa baseye!»

Musamu wamubwete watina Luka 6:21 Referans Kwoze

Musamu wamubwete watina Yowane 6:35

Yesu waleele kuri bo ti: «Me ngo mpa ya bumwooyo. Wunde wukwiisa kuri me, kari mbakila nzala ko, na wunde wusa kanyi mu me, kari mbakila mpwiisu ko.

Musamu wamubwete watina Matayi 5:6

Kiminu kuri bari na nzala na mpwiisu ya nsungumunu, bukuri sa bayukuta!

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

Musamu wamubwete watina Luka 1:53

Babo bari na nzala, nde wubaluulusiryee mu bitotolo, na babisina nde wubabvutiryee na myooko mya mukangala.

Musamu wamubwete watina Matayi 5:4

Kiminu kuri bari mu ngebe, bukuri sa bababoondo!

Nyabusulu ya Yowane 7:16

Bo ka babweese kumono nzala ko, ka babweese kubaka mpwiisu ko, ka babweese kumono mwiini ko, na ka babweese kumono nzunuku ko,

Musamu wamubwete watina Luka 6:25

Kyaari kuri beenu lweki na byabuukula lumalu, bukuri sa lwaba na nzala! Kyaari kuri beenu luri mu kuseye mu lumalu, bukuri sa lwakoto mu bufwiiri na sa lwadila.

1 Kol 4:11

Natee mu kilookolo kimaki, beetu tukwefwa nzala na mpwiisu, turi mpene, bakwetulata, tukweyiima,

Musamu wamubwete watina Yowane 4:10

Yesu wabvutula, wamuleele ti: «Mbuti ye beeyaari kikabu kya Nzaambi, na wunde wuri mu kukuleele ti: Ha me maampa ma kunwa, nkani ye ketyee kumuloombo maampa, na nde ketyee kuha ye maampa ma mwooyo.»

Nyabusulu ya Yowane 21:3

Me nyayuka mbeembu yayinene yapala mu mboloko yabaleele ti: «Mono, musaampu Nzaambi weki ha kakati dya baatu! Nde sa kadzakala na bo, na bo sa baba kaanda dyaandi; na nde ha kakati dya bo, sa kaba [Nzaambi bo].

2 Kol 12:10

Hango-nkuumbu, me nyimono kiminu mu buyonsi, mu bitari, mu mbamusunu, mu nkwamusunu na kinkuukulu mu ntoono Kiristo; bukuri me mbaanaa nyiri na buyonsi, lo haho ngo ha nyiri na makwa.

2 Kol 11:27

Me nyasala na nyamono mpasi, me nyakyeelele bitulu bya bwiisi ntaangu ngo ntaangu, nyakolo nzala na mpwiisu, nyakoto maloomi ntaangu ngo ntaangu, nyakuukila kyoosi na nyaba mpene.

2 Kol 6:10

bunu bari mu ngebe, koomosoko bari mu kiminu; bunu bari kunsa buwelu bwa makwa, koomosoko bakwekabula busina; bunu bahele na kitotolo, koomosoko bari na byobinso.

Musamu wamubwete watina Yowane 11:35

Yesu wadila.

Musamu wamubwete watina Luka 6:20

Nde bu kasyeetele miisu myaandi kuri bayiki baandi, waleele ti: «Kiminu kuri bawelu, bukuri Kimfumu kya Nzaambi kya beenu.

Musamu wamubwete watina Luka 6:22

«Kiminu kuri beenu, habaana baatu balubele, balupalisa, balutuka, babele nkuumbu beenu ti yayibi, mu ntoono Mwaana muutu.