Musamu wamubwete watina Luka 6:20 - Musamu Wamubwete 2013

²⁰ Nde bu kasyeetele miisu myaandi kuri bayiki baandi, waleele ti: «Kiminu kuri bawelu, bukuri Kimfumu kya Nzaambi kya beenu.

Musamu wamubwete watina Luka 6:20 Referans Kwoze

Mukaanda wa Yakobo 2:5

Bampaangi baami ba mutima, yukeenu: Buri kari Nzaambi ko wasooriri bari bawelu mu mya nsi ngo bisina mu mitariri kanyi, na bakondiri ba Kimfumu ki kari kasa lusiilulu kuri babo bamutyaanaa?

2 Kol 8:9

Mukwongo, beenu luyaari bweese bwa Mfumu yeetu Yesu Kiristo: nde waba kisina, kasi mu ntoono beenu, walwaata buwelu, mpisi heki mu buwelu bwaandi, beenu luba bisina.

Musamu wamubwete watina Luka 12:32

Yaa ba na boomo ko mwaa-mpuumbu, bukuri Taayi dyeenu wamwiini ti bwabubwete mu kuluha Kimfumu.

Musamu wamubwete watina Matayi 25:34

Haho, mbyaasi sa kaleele kuri bari ku lubakala lwaandi: "Waseenu, beenu bari taayi dya me walusakumuna; taambuleenu saala ngo kimfumu kibari baluyirikila tekesele nyirikulu nsi.

Nyabusulu ya Yowane 2:9

Me nyaari mpasi na buwelu bwa ye, kasi wuri kisina, nyaari se nsaanunu dza babo bari mu kweleele ti Bayudayo bari, ngo bari Bayudayo ko, kasi baatu ba nzo-nkutukunu ya Satana.

2 Kol 6:10

bunu bari mu ngebe, koomosoko bari mu kiminu; bunu bari kunsa buwelu bwa makwa, koomosoko bakwekabula busina; bunu bahele na kitotolo, koomosoko bari na byobinso.

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

2 Tes 1:5

Kikyo kidiimbu kya mutsuundu Nzaambi wasuunguma, mpisi luba lwamonoko ti lwayelemene mu kimfumu kya Nzaambi, ki luri mu kwemwiina mpasi.

1 Tes 1:6

Na beenu lwayeki minsombisiri mya beetu na mya Mfumu, bu lwataamburi Maampu kunsa mpasi dzalaka, mu kiminu kya Mpeeve Yangisi.

2 Kol 8:2

Kunsa mpasi dzi bari babwanikina na dzo, kiminu kya bo kya mansaalisi, na buwelu bwa bo bwa musundu, byabwookoso busina mu mpeelu bikabu bya bo,

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

Musamu wamubwete watina Luka 14:15

Mosi mu baba balaambula miilu mu kudya, bu kayuka mamo, waleele kuri nde ti: «Kiminu kuri wunde mbasi-tsuku wudya mbyandya mu Kimfumu kya Nzaambi.»

Musamu wamubwete watina Luka 13:28

Kukwo kuba bidilu na nkweetulu miinu, mu ntaangu yilumono beenu Abalaami, Isaki, na Yakobe, na babikiri bobanso mu Kimfumu kya Nzaambi; ngo kasi beenu balutubiri ku mbasi.

Musamu wamubwete watina Luka 4:18

«Mpeeve ya Mfumu yiri mu me, bukuri nde wankila maasi, mu kunata Musamu Wamubwete kuri bawelu. Nde wampeeke mu kubikisa bunsaalisi, kuri bari mu maboroko, na nsinukunu kuri bafwa miisu, kubvutula bari mu nkwaamusunu kunsa bunsaalisi,

Musamu wamubwete watina Matayi 11:5

Bafwa miisu bamono, na bikata bikweyende, babeele bwaasi batsyeemekusu, bafwa makutu bayuka, bafwa bafuluka, na Musamu Wamubwete bari mu kuyaabisa kuri bawelu.

Musamu wamubwete watina Luka 16:25

Abalaami waleele kuri nde ti: "Mwaana me, baambuka mwooyo ti ye wataamburi byabibwe bya ye, ha wabee mu bumwooyo, na Ladzaro nde se wamwii manyoongi. Ngo mu lumalu, nde wuri mu mboondulu hamaha, kasi ye wuri mu kubama.

Musamu wamubwete watina Matayi 5:1

Yesu bu kamono mampuumbu, watoomboko ku yulu mulaandu, na bu kadzakala, bayiki baandi bakokosolo kuri nde.