Musamu wamubwete watina Luka 23:3 - Musamu Wamubwete 2013

³ Pilato wamufuula ti: «Buri ye ngo mbyaasi Bayudayo?» Nde wabvutula kuri nde waleele ti: «Ye leeriri dyo.»

Musamu wamubwete watina Luka 23:3 Referans Kwoze

1 Tim 6:13

Me nyikuloombiri ha busu bwa Nzaambi, nde wuhaanaa kidziingu kuri bitotolo byobinso, na ha busu bwa Kiristo Yesu, wateeri kimbaangi kyakibweete ha busu bwa Pontyo Pilato:

Musamu wamubwete watina Yowane 1:49

Natanahele wabvutula kuri nde ti: «Labi, ye ngo Mwaana Nzaambi, ye ngo mbyaasi ya Isaheli.»

Musamu wamubwete watina Luka 22:70

Haho, bo baleele ti: «Buri ye ngo Mwaana Nzaambi?» Nde wabaleele ti: «Beenu-meene luleeriri ti me nyiri nde.»

Musamu wamubwete watina Malako 15:2

Pilato wafuula kuri Yesu ti: «Buri ye ngo mbyaasi bayudayo?» Yesu wabvutula kuri nde ti: «Ye, leeriri.»

Musamu wamubwete watina Yowane 19:3

Bo bakokosolo kuri nde, na babeke kuleele ti: «Mboto yaaku, mbyaasi Bayudayo!» Na bamulata mambata.

Musamu wamubwete watina Luka 23:38

Ha yu-yulu dya nde kwaba bisoni byatina ti: «Wumawu ngo mbyaasi Bayudayo.»

Musamu wamubwete watina Malako 15:32

Hemese Kiristo, mbyaasi Isaheli kasunduka mu lumalu ha kurwa, mpisi heki beetu tumono na tusiila kanyi.» Baba komini ha kimosi na nde, baba mutukaana.

Musamu wamubwete watina Malako 15:18

Babaandika mu kumuha mboto: «Mboto, mbyaasi Bayudayo!»

Musamu wamubwete watina Matayi 27:11

Yesu bamutelemese ha busu bwa ngoforo; na ngoforo wamufuula ti: «Buri ye ngo mbyaasi Bayudayo?» Yesu waleele ti: «Ye wuleele.»

Musamu wamubwete watina Yowane 18:29

Haho, Pilato wapala ku mbasi ku babo bo na waleele ti: «Mu nkya ntoono beenu luri mu kufuunda muutu wumawu?»