Musamu wamubwete watina Luka 22:5 - Musamu Wamubwete 2013

⁵ Bo bamono kiminu, na bayukisina mu mboongo dza kumuha.

Musamu wamubwete watina Luka 22:5 Referans Kwoze

Mukaanda Yuda 1:11

Kyaari kuri bo, bukuri banemi nzila ya Kayini, bo bayekimini mu mpumukunu ya Balaami mu ntoono mufutu, na bafuukiri kunsa tungu dya Kore.

2 Pet 2:15

Bu bamana kusiisa nzila yasuunguma, bayeki bawumuka mu kwenama nzila ya Balaami mwaana Bosoro, watiiri mufutu wa mamabi.

2 Pet 2:3

na mu ntiki-mboongo, mu dzoonsolo dza lupyelu bo sa babadiilila manene. Kuri bo kuholosono na kidzika, mutsuundu wuri mu kwesala, na mfukusulu yaaku yahele kubwa tolo.

Biyiriki bya Bantumu 8:20

Petelo waleele kuri nde ti: "Mboongo dzaaku kintwaari na ye fuukeenu, bukuri ye kutsima ti kikabu kya Nzaambi kusuumba mu mboongo!

Biyiriki bya Bantumu 1:18

Hango nde, wasuumbiri nseke mu mufutu wa bubayi; wabwiila kya mutu, wabuuluka mwooyo na midya myaandi myominso myatsamukina;

Musamu wamubwete watina Luka 22:4

Yuda wayende kweyukusuna na bakuutu ba bangaanga-nzaambi, na bakuutu ba bakebi ba Nzo-nzaambi, dyaburi nde kasa mu kumuyekele kuri bo.

Musamu wamubwete watina Luka 22:6

Nde wataambula, na wasaka mpwaani yayibwete, mu kumuyekele kuri bo, kuri mpuumbu yo pe.