Musamu wamubwete watina Luka 21:17 - Musamu Wamubwete 2013

¹⁷ Bobanso sa balubele mu ntoono nkuumbu yaami.

Musamu wamubwete watina Luka 21:17 Referans Kwoze

Musamu wamubwete watina Yowane 15:19

Mbuti beenu lwaba ba nsi, nkani nsi yaketi kulutya, bukuri beenu lwaketi kuba ba yo. Ngo bukuri, me nyalusooriri na nyalupalisiri mu nsi, na beenu lwahele kubweese kuba baatu ba nsi, mu ntoono yiyo, nsi yiri mu kulubele.

Musamu wamubwete watina Luka 6:22

«Kiminu kuri beenu, habaana baatu balubele, balupalisa, balutuka, babele nkuumbu beenu ti yayibi, mu ntoono Mwaana muutu.

2 Kol 12:10

Hango-nkuumbu, me nyimono kiminu mu buyonsi, mu bitari, mu mbamusunu, mu nkwamusunu na kinkuukulu mu ntoono Kiristo; bukuri me mbaanaa nyiri na buyonsi, lo haho ngo ha nyiri na makwa.

Musamu wamubwete watina Yowane 15:21

Ngo sa baluyirikila momanso mamo, mu ntoono nkuumbu yaami, bukuri bo bahele kuyaaba wunde wampeeke.

Nyabusulu ya Yowane 2:3

Ye wuri na kifiki, ye wakuunda mpasi mu dyaambu dya nkuumbu yaami, ye wahele kuholo-bito.

Mukaanda kuri bari Filipo 1:29

Bukuri beenu baluha bweese mu ntoono Kiristo, kari munu mu kusiila kanyi mu nde ko, ngo na mu kumono mpasi se mu ntoono nde,

2 Kol 4:11

Mukwongo, mantaangu momanso beetuneenu bamwooyo, turi bayekulu mu lufwa mu ntoono Yesu, mpisi heki bumwooyo bwa Yesu, buba bwamonokono mu nyutu yeetu ya lufwa.

Musamu wamubwete watina Yowane 17:14

Me nyabaheeri maampu ma ye; na nsi yababele, bukuri bo bahele ba nsi, bunu bu nyiri me, nyahele wa nsi.

Musamu wamubwete watina Malako 13:13

Baatu bobanso sa balubele mu ntoono nkuumbu yaami. Ngo wunde wunamitina natee kumanunu, sa kabvuuka.»

Musamu wamubwete watina Matayi 24:9

Hanaho, bo sa baluyekele mu nkwamusunu, sa baludzusa na makaanda momanso sa malubele mu ntoono nkuumbu yaami.

Musamu wamubwete watina Matayi 10:22

Baatu bobanso sa balubele mu ntoono nkuumbu yaami. Ngo wunde wunamitini natee manunu sa kabvuuka.

1 Pet 4:14

Mbuti bakwelutuka mu ntoono nkuumbu ya Kiristo, lo beenu luri mu lwambwe, bukuri Mpeeve ya nkeembu ya Nzaambi yiwuumaa ha yulu beenu.

Biyiriki bya Bantumu 9:16

bukuri, me sa nyamusoongo mamo mayelemini kuri nde, mu kumono mpasi mu nkuumbu yaami."

Musamu wamubwete watina Yowane 7:7

Nsi lo, yibele beenu ko, ngo kasi me lo yimbele, bukuri me nyiri mu kuta kimbaangi ti, biyiriki byaandi byabibi.

Musamu wamubwete watina Matayi 5:11

Kiminu kuri beenu mbuti baatu balutuka, balukwaamisa, na baleele momanso mamabi [mampya], mu beenu, mu ntoono me.

2 Kol 4:5

Mukwongo, beetu twahele kweyaabisa mi tariri beetu-meene, ngo Yesu Kiristo Mfumu turi mu kweyaabisa; beetu-meene ngo turi bisari bya beenu mu ntoono Yesu.

Musamu wamubwete watina Luka 21:16

Babo baluyekele sa baba: bataayi na banguri, bampaangi, ba luri nkati-nsi, banduku. Sa badzusa babamosi mu beenu.

Musamu wamubwete watina Luka 21:18

Ngo kuri ti lufu lumosi lwa mutu weenu ludziimbila ko.