Musamu wamubwete watina Luka 20:36 - Musamu Wamubwete 2013

³⁶ Mukwongo, ka babweese kufwa ko, bukuri beki kuba bunu bambasi, na bunu baala ba Nzaambi, bu bari baala ba mfulukulu.

Musamu wamubwete watina Luka 20:36 Referans Kwoze

Nyabusulu ya Yowane 21:4

Nde sa kayaala mansangasa momanso mu miisu mya bo. Kubweese kuba lufwa ko, bufwiiri se ko, misaakulu na mpasi se ko, [bukuri] bitotolo byatete bimwaaluta.»

Mukaanda kuri bari Filipo 3:21

Nde mbasi-tsuku wukitula nyutu yeetu ya manyoongi, kuri yiba bunu buri nyutu ya nde ya nkeembu, bunu buri mpinu dzi kari na dzo, mu kusuusa byobinso kunsa lutumu lwaandi.

Musamu wamubwete watina Matayi 22:30

Mukwongo, mbasi-tsuku haba mfulukulu, kuba babakala bakweele ko, na bakyeetu babakweelese ko. Ngo sa baba bunu bambasi, mu mayulu.

Nyabusulu ya Yowane 20:6

Bari mu kiminu, na bangisi babo bataambula mfulukulu yatete! Lufwa lwadzoolo ka lubweese kuba na lutumu mu bo ko, ngo kasi bo sa baba bangaanga ba Nzaambi na ba Kiristo, na sa batuma kintwaari na nde mu fuunda dya mibvu.

1 Kol 15:42

Bunubwo se buri mu mfulukulu ya bafwa. Nyutu bayidziikaa kunsa mbolulu, ngo yifulukaana kuri yahele kubweese kubolo;

Nyabusulu ya Yowane 22:9

Nde waleele kuri me ti: «Mono, yaa sa bubwo koono; me mbasi yaaku ya kisalu, na ya bampaangi baaku babikiri, babo bakebaa maampu ma mukaanda wumawu. Nzaambi ye yelemini kusaambila.»

1 Kol 15:26

Mutaatu wampotulu wa kutsyaamuna ngo lufwa.

Musamu wamubwete watina Malako 12:25

Mukwongo, mbasi-tsuku ha fuluka bafwa, lo kuba babakala bakweele ko, na bakyeetu ba bakweelese ko, ngo sa baba bunu bambasi ku mayulu.

1 Kol 15:49

Bunu bu turi mu kifwaani kya muutu wa tubuumbu, bunubwo se tuba mu kifwaani kya muutu wa ku yulu.

Mukaanda kuri bari Loma 8:16

Mpeeve yo-meene, yita kimbaangi kuri kiluunsi kyeetu, ti beetu turi baala ba Nzaambi.