Yesu waleele kuri bo ti: «Buri beenu lwasii taanga mu Matinu ko? "Tari dyaloosiri batuungi, didyo ngo dyeki dyanguri ha kuumbu; mimyo kuri Mfumu miri myafumuna, na mya nkimukunu ha miisu mya beetu."»
Bukuri me nyiluleele ti, mimyo matinu miyelemini kuyirima mu me: "Bamusuusa mu lutaangu lumosi na bahele na mangisi." Mukwongo, mimyo mitariri me bwee miyirimini.»
Tumi wabaleele ti: «Mamama ngo maampu ma nyabee luleelaana, mu ntaangu yi nyabee nyakiri na beenu ti: "Myominso myatinu mu ntoono ya me, mu mangisi ma Moose, na mu babikiri natee mu mikuunga, miyelemini kweende mu mana.»
Mfumu bu kasyeeteke, wasungumina Petelo kisoosi. Haho, Petelo kabaambuka mwooyo mu maba muleele Mfumu ti: «Lolo di tekesele mulumi nsusu kakookolo, ye sa tuna me mbala tatu.»
Yesu wabatala mu nkesi, na wamono ngebe, mu ntoono nkubusulu mitima mya bo. Nde waleele kuri mubeeru ti: «Laambula kooko!» Nde walaambula, na kooko kwaandi kyatsiinika.
Hango-nkuumbu, mu Matinu muri ti: «Monee, me nyisuusa mu Syoni tari dya ha kuumbu dyasoolu na dyantalu, na mpisi wusiila kanyi mu dyo, lo kafwa nsoni ko.»