Musamu wamubwete watina Luka 2:14 - Musamu Wamubwete 2013

¹⁴ «Nkeembu kuri Nzaambi kunu kinsongi-yulu, na kiyeengi ha butoto, kuri baatu ba katiiri.»

Musamu wamubwete watina Luka 2:14 Referans Kwoze

Mukaanda kuri bari Loma 5:1

Ngo twayeki twaluulukusu mu kanyi, turi kiyeengi na Nzaambi, mu Mfumu yeetu Yesu Kiristo;

Musamu wamubwete watina Luka 19:38

Bo baleele ti: «Kaba wasakumunu, wunde wukwiisa mu nkuumbu Mfumu; kiyeengi ku yulu na nkeembu kunu kinsongi-yulu!»

Mukaanda kuri bari Kolosayi 1:20

na mu kasa nyukusunu ya bitotolo byobinso mu nde, na mu ntoono nde. Nde wasa kiyeengi ha kakati dya bitotolo biri ha butoto na biri ku mayulu, mu makila ma mwaana waandi ha lukuruwa.

Musamu wamubwete watina Luka 1:79

mu kuha nsyeemunu kuri babo badzakala kunsa mampimbisi, na kunsa mposi ya lufwa, na mu kutwaalisa miilu myeetu mu nzila ya kiyeengi.»

Nyabusulu ya Yowane 5:13

Biyiriki byobinso biri ku yulu, biri ha butoto, biri ku nsuku butoto, biri mu mubu na byobinso biri mu mo, me nyayuka bibikisa ti: «Kuri wunde wadzakala ha mboloko, na kuri Mwaana kimeeme kuba ndumusu, lukiinsu, nkeembu na makwa mu mibvu ngo mibvu.»

Biyiriki bya Bantumu 10:36

Nde waheeke maampu maandi kuri baala ba Isaheli, mu kuyaabisa Musamu Wamubwete wa kiyeengi mu Yesu Kiristo, nde wuri Mfumu ya bobanso.

Musamu wamubwete watina Yowane 17:4

Me nyakeembisiri ye ha butoto, me nyameeni kisalu ki wampeeri mu kusa.

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

Mukaanda kuri bari Filipo 2:11

na ndima dzodzinso dzileele ti Yesu Kiristo ngo Mfumu, mu nkeembu ya Taayi Nzaambi.

Musamu wamubwete watina Luka 3:22

na Mpeeve Yangisi yakulumuka ha yulu nde, mu kifwaani kya beembe, na mbeembu mosi yadzoonso ku yulu ti: «Ye ngo mwaana waami wa mutima, me nyimonaa kiminu mu ye.»

Musamu wamubwete watina Matayi 21:9

Mampuumbu maba ku matu na ku mambisa ma Yesu maba kwebikisa, maleele ti: «Hosana kuri Mwaana Davidi; wasakumunu wunde wukwiisa mu nkuumbu ya Mfumu; hosana mu bibeendu bibvuriri kudzaangama.»

Mukaanda kuri bari Efeso 1:9

Nde watuyaabisa mpaanu dza kutya kwaandi, bunu buri kiminu kyaandi ki kasoongiri mu Kiristo,

Mukaanda kuri bari Efeso 1:6

mu kuha ndumusu ya nkeembu ya bweese bwaandi, bu kari katuha kwa mungengi mu mwaana waandi wa mutima.

Mukaanda kuri bari Filipo 2:13

bukuri Nzaambi koosalaa mu beenu, na kusa kuri ti, lutya na lusala bunu buri kutya kwaandi kwakubwete.

Mukaanda kuri bari Efeso 2:7

mu kusoongo mu mantaangu makwiisa, busina bwabuukula bwa bweese bwaandi, mu mbweeyulu-mutima waandi kuri beetu mu Kiristo Yesu.

Mukaanda kuri bari Efeso 2:4

Ngo Nzaambi waluula mu ngebe, mu ntoono ntiilu yaandi yayinene, yikari katutiila,

Musamu wamubwete watina Yowane 14:27

«Me nyilusisikiri kiyeengi, kiyeengi kyaami me nyiluheeri; ngo kari bunu buheelaa nsi ko. Yaa lubviimfuka mitima myeene ko, na yaa luba na boomo ko.

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Musamu wamubwete watina Luka 2:13

Hanaho na sisuu, fundu-fundu dya mukaangu bambasi wa ku yulu dyabvutuna na mbasi yiyo, mu kudumusa ti:

Musamu wamubwete watina Luka 2:15

Bambasi bamanaa kubvutuka ku yulu, batari ba bibulu balelesene bo na bo ti: «Tweendee natee ku Beteleemi, mpisi twetumonee mamo mamwaayirima, ma tuyaabisiri Mfumu.»