Musamu wamubwete watina Luka 2:10 - Musamu Wamubwete 2013

¹⁰ Ngo mbasi yaleele kuri bo ti: «Yaa luba na boomo ko; bukuri me nyiluyaabisa musamu wamubwete, wuba wa kiminu kyalaka kuri baatu bobanso.

Musamu wamubwete watina Luka 2:10 Referans Kwoze

Musamu wamubwete watina Matayi 28:18

Yesu bu kokosolo, waleele kuri bo ti: «Lutumu lwolunso baheeri kuri me, ku mayulu na ha butoto.

Musamu wamubwete watina Matayi 14:27

Hanaho, [Yesu] wadzoonso, waleele kuri bo ti: «Lwaatee kibakala, wumawu me, yaa luba na boomo ko!»

Musamu wamubwete watina Luka 1:30

Mbasi yaleele kuri nde ti: «Yaa ba na boomo ko Mariya, bukuri ye bakiri bweese kuri Nzaambi.

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

Biyiriki bya Bantumu 13:32

Na beetu turi mu kuluyaabisa Musamu Wamubwete, na lusiilulu lu kasa kuri bataayi beetu,

Musamu wamubwete watina Luka 24:47

na nyiingulu madyeele, mu mpemusunu ya masumu, sa yaba yayaabisa mu nkuumbu yaandi, kuri makaanda momanso, kubandikila ku Yerusalemi.

Musamu wamubwete watina Luka 8:1

Ha mambisa haho, Yesu wayende mu mabvula na mu mabula, mu kwebikisa na kweyaabisa Musamu Wamubwete wa Kimfumu kya Nzaambi, na bo kuumi na boolo baba kintwaari na nde.

Mukaanda kuri bari Efeso 3:8

Kuri me wu bvuriri buntele mu bangisi bobanso, bari baha bweese bumabu, bwa kuyaabisa kuri makaanda busina bwa Kiristo bwahele mbangukulu,

Musamu wamubwete watina Luka 1:19

Mbasi yabvutula kuri nde yaleele ti: «Me ngo mbasi Ngabileri, wukootelemaa ha busu bwa Nzaambi. Me bampeekirye mu kudzoonso kuri ye, na mu kuyaabisa ye mukeensu wumawu.

Musamu wamubwete watina Luka 1:13

Mbasi yaleele kuri nde ti: «Yaa ba na boomo ko Dzakariya, bukuri ndoombulu dza ye dzibakiri mvutu, na mukasi waaku, Elidzabeti sa kakubutila mwaana wa mubakala, na ye sa wamuteele nkuumbu Yowane.

Musamu wamubwete watina Malako 1:15

waba kweleelaa ti: «Ntaangu yikukiri na Kimfumu kya Nzaambi kikokisiri! Yiingee madyeele, na seenee kanyi mu Musamu Wamubwete!»

Mukaanda kuri bari Loma 10:15

Na buri bayabisila, mbuti bahele kubaheeke? Bunu bu diri dyatinu ti: «Miri myamibwete, miilu mya babo bakweyaabisa misamu myamibwete!»

Musamu wamubwete watina Malako 16:15

Nde wabaleele ti: «Yendee mu nsi yansiina, lweyaabisa Musamu Wamubwete kuri biyiriki byobinso.

Musamu wamubwete watina Matayi 28:5

Mbasi yabaangula mbeembu, yaleele kuri bakyeetu ti: «Beenu yaa luba na boomo ko, bukuri me nyaari ti, beenu luri mu kwesaka, Yesu wubakomini.

Musamu wamubwete watina Luka 2:11

Lolo dimadi, mu bvula dya Davidi, Mubvuukisi butukiri mu ntoono beenu. Nde ngo Kiristo Mfumu.