Musamu wamubwete watina Luka 19:22 - Musamu Wamubwete 2013

²² Mbyaasi waleele kuri nde ti: "Mu nzoonsulu dza ye-meene, me nyimono ti ye wuri kisari kyakibi. Ye nkati wabeeri wayaaba ti, me muutu nyiri na mutima wakuba, nyinaangunaa biri nyahele kusuusa, na nyitolaa biri nyahele kukuna?

Musamu wamubwete watina Luka 19:22 Referans Kwoze

Musamu wamubwete watina Matayi 22:12

Wamufuula ti: "Nduku yaami, buri siiri mu kukoto hamaha, kuri ye wahele na kinkuta kya munkeembu?" Muutu wunde wakaanga munwa!

Musamu wamubwete watina Matayi 12:37

bukuri mu mapala mu munwa waaku ye wuba walulukusu, na mu mapala mu munwa waaku, ye wuba wabwiisu.»

Mukaanda kuri bari Loma 3:19

Tuyaari ti myominso mi leele mangisi, mitariri bari kunsa mangisi, mpisi bobanso bakaanga minwa, na nsi yansiina yitaambula kibila ha busu bwa Nzaambi.

Musamu wamubwete watina Luka 19:21

Mukwongo, me nyabee na boomo bwa ye, bukuri ye muutu wuri na mutima wakuba, wunaangunaa biri wahele kusuusa, na wutolaa biri wahele kukuna."

Musamu wamubwete watina Luka 19:23

Ngo buri ye waheriri kwesuusa mboongo dza me ku nzo-mboongo? Na me bu nyikwiisa, mbaka ndaandu mu dzo."