Musamu wamubwete watina Luka 19:18 - Musamu Wamubwete 2013

¹⁸ Waboolo se wayisa, waleele ti: "Mu mupata ye wa woolo me mbakirye mipata mitaanu."

Musamu wamubwete watina Luka 19:18 Referans Kwoze

2 Kol 8:12

Bukuri mbuti bitsimi biri byabibwete, lo bataamburi kikabu, bunu buri bi tubakiri nkani ka mu bi tuheriri kubaka ko.

Musamu wamubwete watina Malako 4:20

Babo bari bunu nsaangi dzibwiiri ha butoto bwabubwete, ngo babo bari bu bayukiri Maampu, bamataamburi na babutiri bimbutu: wamosi makuumi matatu, wakaka makuumi masaamunu, na wakimi nkama.»

Musamu wamubwete watina Matayi 13:23

Bari bunu butoto bwabubwete, bu bwiiri nsaangi, ngo babo bari bayuka Maampu, na bamabakula; bo ngo bari babuta bimbutu: bamosi nkama, bakaka makuumi masaamunu, bakimi makuumi matatu.»

Musamu wamubwete watina Luka 19:13

Bu kateele bisari byaandi kuumi, wabakabula mipata kuumi mya woolo na waleele kuri bo ti: "Seenee mumbungu mu ntaangu yi nyeensi me."

Musamu wamubwete watina Luka 19:17

Mbyaasi waleele kuri nde ti: "Bwabubwe, ye kisari kyakibwe; ngo bukuri ye wabeeri wakwiikama mu byantele, me nyikuheeri lutumu ha yulu mabvula kuumi."

Musamu wamubwete watina Luka 19:19

Mbyaasi waleele se kuri wunde ti: "Ye se nyikuheeri lutumu ha yulu mabvula mataanu."

Musamu wamubwete watina Matayi 25:22

Wunde se wataambiri byoolo, wakokosolo, waleele ti: "Mfumu, bitalanta byoolo ye wayakisiri me. Mono byoolo byakaka, me nyabakiri."