Musamu wamubwete watina Luka 18:43 - Musamu Wamubwete 2013

⁴³ Ha nsi na nsi, nde wabweese kumono, na wanama Yesu kuri wukwekeembese Nzaambi. Baatu bobanso bamwiini mamo, badumusu Nzaambi.

Musamu wamubwete watina Luka 18:43 Referans Kwoze

Mukaanda kuri bari Ngalatya 1:24

Mabuundu mamo masiika Nzaambi mu ntoono me.

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Biyiriki bya Bantumu 11:18

Bo bu bayuka mamo, bawura na badumisa Nzaambi, baleele ti: "Na kuri bangooyi se Nzaambi heeri nyiingulu madyeele ma kidziingu.

Biyiriki bya Bantumu 4:21

Bo babaŋaŋinaana, babapaturi, bahele kubaka bwa kubaseembele, mu ntoono kaanda, bukuri bobanso baba dumusaa Nzaambi mu mayirimini.

Musamu wamubwete watina Luka 13:17

Yesu bu kaleele mamo, bataatu ba nde bobanso bafwa nsoni; ngo mpuumbu yakeembe mu momanso mankimukunu ma kaba yirikaana.

Musamu wamubwete watina Luka 5:26

Bobanso bamono dyo dya nkimukunu na bakeembese Nzaambi, baluula mu boomo na baleele ti: «Lolo tumwiini kweetu ma nkimukunu!»

Musamu wamubwete watina Luka 4:39

Nde, kayilimina mubeeru, ha kaŋaŋini baawu, na baawu dipariri mu nde. Hanaho, mukyeetu wunde, bu kateleme ha kabeke kubasalila.

Musamu wamubwete watina Matayi 21:14

Bafwa miisu na babeele miilu, bakokosolo kuri nde mu Nzo-Nzaambi, na nde wabatsinikisa.

Musamu wamubwete watina Matayi 11:5

Bafwa miisu bamono, na bikata bikweyende, babeele bwaasi batsyeemekusu, bafwa makutu bayuka, bafwa bafuluka, na Musamu Wamubwete bari mu kuyaabisa kuri bawelu.

Musamu wamubwete watina Matayi 9:8

Mampuumbu, bu bamono bubwo, babaka boomo na makeembese Nzaambi, waheeri lutumu lwa bubwo kuri baatu.

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.

Musamu wamubwete watina Luka 19:37

Babaanaa beke bebele na nkulumusu ya mulaandu wa Mi-olive, mpuumbu yoyinso ya bayiki yabeke mu kukeembe, na kudumusa Nzaambi mu mbeembu yadzaangama, mu ntoono bimaangu byobinso bi bamwiini.

Musamu wamubwete watina Luka 9:43

Baatu bobanso bamono nkimukunu mu bunene bwa Nzaambi. Bobanso bu baba kimukaa mu momanso ma yirikiri Yesu, nde waleele kuri bayiki baandi ti: