Musamu wamubwete watina Luka 18:32 - Musamu Wamubwete 2013

³² Bukuri, nde sa bamuyekele kuri bangooyi, sa bamusaana, sa bamufulula mante.

Musamu wamubwete watina Luka 18:32 Referans Kwoze

Musamu wamubwete watina Luka 23:11

Erode na bayongolo baandi bamusaana na bamusiila munsiku. Bu kamulwiika kinkuta kyakibwe, wamubvutula kuri Pilato.

Biyiriki bya Bantumu 3:13

Nzaambi ya Abalaami, [Nzaambi] ya Isaki, na [Nzaambi] ya Yakobe, Nzaambi ya bataayi beetu, keembisiri kisari kyaandi Yesu, wu lwayekiri, na wu lwatunini beenu ha busu bwa Pilato, koomosoko nde waba watsima kumupatula;

Musamu wamubwete watina Malako 14:65

Babamosi babaandika mu kumufulula mante, kumufuka nsaanda ku busu na kumu kula mangutu mambata na kuleele ti: «bikula». Na bangaamba Bamubwaanina mu mambata.

Musamu wamubwete watina Matayi 26:67

Bo bamufulula mante ku busu bwaandi, na bamulata mambata, bakaka bamusyaala mboto,

Musamu wamubwete watina Matayi 16:21

Kuholosono ntaangu yiyo, Yesu wabaandika mu kweyaabisa kuri bayiki baandi ti, nde yelemini kutoomboko ku Yerusalemi, na kumono mpasi dzalaka mu myooko mya bakulu ba babakala, bakuutu ba bangaanga-nzaambi na batini ba mangisi, yelemini kuba wadzusu, na mu kiluumbu kyabitatu, yelemini kuba wafuluka.

Biyiriki bya Bantumu 2:23

Muutu wunde, bunu bwaba nzeengulu na nyaabulu ya Nzaambi, wayekulu mu myooko mya bahele na mangisi, bamudzusa mu kumukomono ha kuruwa.

Musamu wamubwete watina Yowane 18:35

Pilato wabvutula ti: «Buri me Muyudayo yiri? Kaanda dya ye-meene na bakuutu ba bangaanga-nzaambi bakuyekiryee kuri me; nki wuri wayirika?»

Musamu wamubwete watina Yowane 18:30

Bo babvutula baleele kuri nde: «Mbuti muutu bee wahele kuyirika mamabi, nkani tuketyee kumuyekele kuri ye ko.»

Musamu wamubwete watina Yowane 18:22

Yesu kaleelaa bubwo, mosi mu bisari wakokosolo, wamulata mbata, waleele ti: «Bubwo ye wuha mvutu kuri mukuutu bangaanga-nzaambi?»

Musamu wamubwete watina Luka 23:35

Baatu baba bateleme haho, na bari mu kutalilaana. Bamfumu baba musiila munsiku, baleele ti: «Nde wabvuukisiri baatu bakimi, kabvuuka se nde-meene, mbuti nde ngo Kiristo, wasoolu kuri Nzaambi.»

Musamu wamubwete watina Luka 23:1

Bobanso bu bateleme mu kintwaari, banata Yesu ha busu bwa Pilato.

Musamu wamubwete watina Matayi 27:2

Bamukaanga, bamunata na bamuyekele kuri Pilato, ngoforo.

Musamu wamubwete watina Yowane 18:28

Bo bayisikaa kuri Kayafa, ha banata Yesu ku nzo ya munsuundu; kyaba kyeki kipari na bo ka basii koto mu nzo ya mutsuundu ko, mu kubata kusumuka, na babaka bwa kudiila Paaka.

Musamu wamubwete watina Malako 15:1

Mu minkya mya bwiisi, mfuundu ya bakuutu ba bangaanga-nzaambi, bakulu ba babakala, batini ba mangisi na kikuutu kyokinso badzakala. Bakaanga Yesu, bamunata na bamuyekele kuri Pilato.

Musamu wamubwete watina Matayi 20:19

na sa bamuyekele mu myooko mya bangooyi mu kumusaana, kumulata nkwaasulu, kumukomono ha yulu kuruwa, na kiluumbu kyabitatu sa kaba wafulukusu.»

Musamu wamubwete watina Matayi 22:6

Bakaka basiiri babo, bakwaata bisari bya mbyaasi babatuka na babadzusa.

Musamu wamubwete watina Luka 18:33

Bu bameeni kumulata nkwaasulu, sa bamudzusa; na mu kiluumbu kyabitatu nde sa kafuluka.

Musamu wamubwete watina Yowane 18:32

Mu bubwo ma leeriri Yesu mayende mu mana, ma kaba yaabisa mu nkya mfwiilu nde kaba kayelemini kufwiila.