Musamu wamubwete watina Luka 17:25 - Musamu Wamubwete 2013

²⁵ Ngo nde yelemini kutekesele kumono mpasi dzalaka, na kuba kuri ti, baatu ba kiseendu kimaki bamuyekiri.

Musamu wamubwete watina Luka 17:25 Referans Kwoze

Musamu wamubwete watina Matayi 16:21

Kuholosono ntaangu yiyo, Yesu wabaandika mu kweyaabisa kuri bayiki baandi ti, nde yelemini kutoomboko ku Yerusalemi, na kumono mpasi dzalaka mu myooko mya bakulu ba babakala, bakuutu ba bangaanga-nzaambi na batini ba mangisi, yelemini kuba wadzusu, na mu kiluumbu kyabitatu, yelemini kuba wafuluka.

Musamu wamubwete watina Luka 9:22

Nde wabweese kuleele ti: «Mwaana muutu yelemini kumono mpasi dzalaka, bakulu ba babakala, bakuutu ba bangaanga-nzaambi na batini ba mangisi sa bamuyekele, na kumudzusa, tumi mu kiluumbu kyabitatu kafuluka.»

Musamu wamubwete watina Malako 8:31

Yesu wabaandika mu kubayikisa ti: «Mwaana muutu yelemini kumono mpasi dzalaka; bakulu ba babakala, bakuutu ba bangaanga-nzaambi na batini ba mangisi sa bamuyekele, na kumudzusa; na ha mambisa ma biluumbu bitatu, tumi kafuluka.»

Musamu wamubwete watina Yowane 1:11

Nde wayisa mu nsi ya nde-meene, ngo ba nde-meene basii kumutaambula ko.

Musamu wamubwete watina Luka 18:33

Bu bameeni kumulata nkwaasulu, sa bamudzusa; na mu kiluumbu kyabitatu nde sa kafuluka.

Musamu wamubwete watina Malako 12:10

Buri lwaasi taanga Matinu ko? "Tari dya loosiri batuungi, didyo ngo dyeki dya nguri ha kuumbu.

Musamu wamubwete watina Matayi 21:42

Yesu waleele kuri bo ti: «Buri beenu lwasii taanga mu Matinu ko? "Tari dyaloosiri batuungi, didyo ngo dyeki dyanguri ha kuumbu; mimyo kuri Mfumu miri myafumuna, na mya nkimukunu ha miisu mya beetu."»

Musamu wamubwete watina Yowane 12:38

mpisi heki maampu ma leele Esaya mubikiri meende mu mana: «Mfumu, na wasiiriri kanyi mu ma twayukiri beetu? Kuri na Mfumu kasoongiri mpinu dzaandi?»

Musamu wamubwete watina Luka 24:46

Na wabaleele ti: «Bunu bu diri dyatinu: Kiristo sa kamono mpasi, na sa kafuluka mu bafwa mu kiluumbu kyabitatu,

Musamu wamubwete watina Luka 18:31

Yesu, kaholaa bo kuumi na boolo, wabaleele ti: «Mono, tweki toombokeenu ku Yerusalemi, na momanso matinini babikiri mu ntoono Mwaana muutu, sa meende mu mana.

Musamu wamubwete watina Malako 10:33

Nde wabaleele ti: «Mono, turi mu kutoomboko ku Yerusalemi, na Mwaana muutu sa kaba wayekulu kuri bakuutu ba bangaanga-nzaambi, na kuri batini ba mangisi. Bo sa bamukesele mukanu wa lufwa na sa bamuyekele kuri bangooyi,

Musamu wamubwete watina Malako 9:31

Mukwongo, nde wayikisa bayiki baandi, wabaleele ti: «Mwaana muutu weki wayekulu mu myooko mya baatu, bo sa bamudzusa; bu bamudzusiri, biluumbu bitatu bilutaana, nde sa kafuluka.»