Musamu wamubwete watina Luka 16:2 - Musamu Wamubwete 2013

² Bu kamuteele, waleele kuri nde ti: "Nki mo, me nyiri mu kuyuka mu ye? Tangumisa bi wuri mu kukebaa, bukuri ye wubweese kubikebe ko."

Musamu wamubwete watina Luka 16:2 Referans Kwoze

Nyabusulu ya Yowane 20:12

Me nyamono se bafwa, bakuutu na bilesi, bateleme ha busu bwa mboloko. Nyamono se badzibula mikaanda, na badzibula mukaanda mukimi, wuri mukaanda wamwooyo. Bafwa, babatsuundisa bunu bwaba myatinu mu mikaanda, bunu bwaba biyiriki bya bo.

1 Pet 4:10

Mpisi muutu, bunu buri kikabu kikari kataambula, kasalila kyo mu ndaandu ya bobanso, bunu bakebi bababwete ba mabweese ma Nzaambi, ma bitsuumbu-bitsuumbu.

1 Pet 4:5

Bo sa batambikisa biyiriki byaaku, kuri wunde wayirima mu kutsuundisa bamwooyo na bafwa.

1 Tim 5:24

Masumu ma baatu babamosi, mari mayabakana tekesele bateleme ku mutsuundu; ngo kasi kuri bakaka, mo kuyabakana ha mambisa.

1 Tim 4:14

Yaa nyaafuna kikabu kya bweese kiri mu ye ko, ki bari bakuha mu mbikululu, mu ntetukulu myooko mya kintwaari kya bakulu ba babakala.

2 Kol 5:10

Bukuri beetu-banso tuyelemini kuteleme ha busu bwa mutsuundu wa Kiristo, mpisi heki muutu-muutu kataambula, museendu wa ma kari kayirika, mu nyutu yaandi, mamabwe bunu pe mamabi.

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.

1 Kol 4:2

Hango, misiiri mi bari mu kuloombo kuri bakebi, miri ti baba bakwiikama.

1 Kol 1:11

Mukwongo, bampaangi, me nyayukiri kuri baatu ba mu kaanda dya Kolowe ti, kuri nkalikisi ha kakati dya beenu.

Mukaanda kuri bari Loma 14:12

Hango-nkuumbu, mpisi muutu mu beetu sa katambikisa mabuungu ma nde-meene [kuri Nzaambi].

Musamu wamubwete watina Luka 12:42

Mfumu waleele: «Nkya kisari kyakwiikama na kyalubuka, kiri mfumu wumuha lutumu ha yulu bisari bya mu nzo yaandi, mu kubaha byandya mu ntaangu yayelemene?

Musamu wamubwete watina Luka 12:20

Ngo Nzaambi wamuleele ti: "Ye kiwulu, mu butsuku buubu ye bee fwiiri. Heki bi mwaakutukisa bibyo bya na biba?"»

Musamu wamubwete watina Matayi 12:36

Me nyiluleele ti: mpisi ntoono yahele mufunu yileele baatu, lo sa bayala mabuungu mu ntoono yiyo mu kiluumbu kya munsuundu;

Musamu wamubwete watina Matayi 20:8

Nsinsika yatubuka, ngaa-nseke bviinya waleele kuri mukebi lubaku lwaandi ti: "Teele bangaamba na wubaha mufutu waaku; kubandikila mu bampotulu natee mu batete."

Musamu wamubwete watina Luka 16:1

Yesu wabweese kuleele kuri bayiki baandi ti: «Muutu mosi wa kisina waba na mukebi; bafuunda mukebi kuri nde ti wuri mu kwebvuka lubaku lwa nde.

Musamu wamubwete watina Luka 16:3

Mukebi waleele kunsa mutima waandi ti: "Nki nyisa, bukuri mfumu yaami weki yisila me, mu kisalu kya kukebe lubaku lwaandi. Kuhata manseke, me nyiri na makwa ko! Kusa luloombo, me nyiri na nsoni!