Musamu wamubwete watina Luka 16:13 - Musamu Wamubwete 2013

¹³ «Kuri kisari kya mu nzo, kiri lo sariri bamfumu boolo ko. Mukwongo, nde lo sa kabele wamosi na kutya wakaka, bunu pe, sa kakaangama mu wamosi na kunyaafuna wakaka. Ka lutsiitsa kusalila Nzaambi na kusalila se busina ko.»

Musamu wamubwete watina Luka 16:13 Referans Kwoze

Musamu wamubwete watina Matayi 6:24

«Kuri muutu ko wuri lo bangusini kusalila bamfumu boolo; mukwongo nde lo sa kabele wamosi, na kutya wakaka; bunu pe sa kakaangama mu wamosi, na kunyaafuna wakaka. Ka lutsiitsa kusalila Nzaambi kiteesu kimosi na mboongo ko.»

Musamu wamubwete watina Luka 14:26

«Mbuti muutu wukwiisa kuri me, ngo wahele kubele taayi dyaandi, nguri, mukasi, baala, bampaangi na bibusi na kidziingu kya nde-meene, lo kari mbeele muyiki me ko.

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

Musamu wamubwete watina Luka 11:23

«Wunde wahele kuba kintwaari na me, lo mutaatu me; na wunde wahele kukutikisa kintwaari na me, lo wuri mu kutsamukisa.»

Musamu wamubwete watina Luka 16:9

Ngo me nyiluleele ti: «Sakee banduku, mu busina bwa bubayi, mpisi heki mu ntaangu yiri lweki tikila, bo balutaambula mu nzo ma bibvu ngo bibvu.

Musamu wamubwete watina Matayi 4:10

Hanaho Yesu waleele kuri nde ti: «Yisika, Satana! Bukuri diri dyatinu ti: "Mfumu Nzaambi yaaku ye yelemini kutsukumina, na nde kitsu yelemini kusaambila."»

Musamu wamubwete watina Luka 9:50

Yesu wabvutula kuri nde ti: «Yaa lumudika ko, bukuri wunde wahele na kitaatu mu beenu, lo wuri kintwaari na beenu.»

Musamu wamubwete watina Luka 16:12

Na mbuti lwahele kuba bakwiikama mu byaŋani, lo na wuluha bya beenu-meene?»